ຄະນະຮັບຜິດຊອບການຄົ້ນຄວ້າແນວຄິດ ໄກສອນ ພົມວິຫານ ເປີດກອງປະຊຸມສຳມະນາ ຫົວຂໍ້: ຊີວິດ ແລະພາລະກິດປະຕິວັດ ຂອງປະທານ ໄກສອນ ພົມວິຫານ ໄລຍະປີ 1955-1975
ຄະນະຮັບຜິດຊອບການຄົ້ນຄວ້າແນວຄິດ ໄກສອນ ພົມວິຫານ ໄດ້ຈັດກອງປະຊຸມສຳມະນາປະກອບຄໍາຄິດເຫັນໃສ່ບົດວິທະຍາສາດ ພາຍໃຕ້ຫົວຂໍ້: “ຊີວິດ ແລະພາລະກິດປະຕິວັດ ຂອງປະທານ ໄກສອນ ພົມວິຫານ ໄລຍະປີ 1955-1975” ຂຶ້ນໃນວັນທີ 24 ພະຈິກ 2022, ທີ່ຫ້ອງປະຊຸມຫ້ອງວ່າການເມືອງວັງວຽງ ແຂວງວຽງຈັນ.ໃຫ້ກຽດເປັນປະທານກອງປະຊຸມ ໂດຍ ທ່ານ ສົມສະຫວາດ ເລັ່ງສະຫວັດ, ທີ່ປຶກສາສະພາທິດສະດີສູນກາງພັກ, ທີ່ປຶກສາຄະນະຮັບຜິດການຄົ້ນຄວ້າແນວຄິດ ໄກສອນ ພົມວິຫານ, ມີ ທ່ານ ຮສ ພູວົງ ອຸ່ນຄຳແສນ,…
ນັກຄົ້ນຄວ້າ ປະລິນຍາໂທ ຮຸ່ນທີ XVII ສາຂາ ກໍ່ສ້າງພັກ ແລະ ສາຂາການປົກຄອງ ລົງເຄື່ອນໄຫວແລກປ່ຽນບົດຮຽນ ຢູ່ແຂວງຈໍາປາສັກ
ເພື່ອສືບຕໍ່ປະຕິບັດໂຄງການຫຼັກສູດ ການຮຽນ-ການສອນ ທິດສະດີການເມືອງ ແລະ ການປົກຄອງ ລະບົບປະລິນຍາໂທ ຮຸ່ນທີ XVII ສາຂາກໍ່ສ້າງພັກ ແລະສາຂາການປົກຄອງ ສົກປີ 2021-2022 ເພື່ອເຮັດໃຫ້ທິດສະດີທີ່ໄດ້ຮຽນມາຕິດພັນກັບພຶດຕິກຳຕົວຈິງ; ຂໍ້ຕົກລົງຂອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ສະບັບເລກທີ 1142/ສມປຊ, ລົງວັນທີ 7 ກັນຍາ 2022. ມາໃນວັນທີ 21 ພະຈິກ 2022 ທ່ານ ປທ ແສງຈັນ ຈັນທະສຸກ…
ຊົມເຊີຍຜົນສຳເລັດກອງປະຊຸມ ວຽກງານການເມືອງ-ແນວຄິດທົ່ວປະເທດ ຄັ້ງທີ V
ວຽກງານການເມືອງ-ແນວຄິດເປັນວຽກທີ່ມີຄວາມໝາຍສຳຄັນຍຸດທະສາດຂອງພັກ, ເປັນວຽກກົກ ແລະເປັນວຽກທີ່ສອດຫ້ອຍໄປທຸກຂົງເຂດວຽກງານ, ພັກເຮົາໄດ້ຢືນຢັນມາຕະຫຼອດວ່າ: “ວຽກງານການເມືອງ-ແນວຄິດຍາມໃດກໍເປັນໜ້າທີ່ພື້ນຖານ, ເປັນວຽກງານແຖວໜ້າ ແລະເປັນປັດໄຈສຳຄັນຕົ້ນຕໍເພື່ອຮັບປະກັນຜົນສຳເລັດ ແລະໄຊຊະນະຂອງການເຄື່ອນໄຫວນຳພາຂອງພັກ.” ຕະຫຼອດໄລຍະທີ່ຜ່ານມາພັກເຮົາໄດ້ນຳພາເຄື່ອນໄຫວວຽກງານການເມືອງ-ແນວຄິດດ້ວຍຫຼາຍເນື້ອໃນ, ຫຼາຍຮູບການ ແລະຫຼາຍວິທີການທີ່ສອດຄ່ອງກັບສະພາບຄວາມເປັນຈິງຂອງປະເທດເຮົາ ໃນແຕ່ລະໄລຍະເຮັດໃຫ້ພະນັກງານ, ສະມາຊິກພັກ ແລະປະຊາຊົນບັນດາເຜົ່າມີສະຕິຊາດສູງຂຶ້ນ, ສະຕິຕື່ນຕົວເປັນເຈົ້າຕົນເອງ, ມີຄວາມເຊື່ອໝັ້ນຕໍ່ອຸດົມການຂອງພັກ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ ແລະມີແບບແຜນດຳລົງຊີວິດທີ່ປອດໃສ, ພ້ອມດຽວກັນນີ້ ວຽກງານການເມືອງ-ແນວຄິດຍັງໄດ້ປະກອບສ່ວນສຳຄັນເຂົ້າໃນວຽກງານການສຶກສາ, ບຳລຸງ, ກໍ່ສ້າງຄົນລາວໃຫ້ມີການພັດທະນາຮອບດ້ານ, ເຊິ່ງບັນຫາແກ່ນສານແມ່ນການບຳລຸງສ້າງນ້ຳໃຈຮັກຊາດ, ຮັກບ້ານເກີດເມືອງນອນ ແລະສ້າງຄວາມສາມັກຄີເປັນເອກະພາບເປັນຈິດໜຶ່ງໃຈດຽວໃນທົ່ວສັງຄົມ, ພ້ອມກັນຈັດຕັ້ງຜັນຂະຫຍາຍແນວທາງ-ແຜນນະໂຍບາຍຂອງພັກ ເຂົ້າໃນວຽກງານຕົວຈິງມີຜົນສຳເລັດເປັນກ້າວໆ.…
ສະຖາບັນການເມືອງ ແລະ ການປົກຄອງແຫ່ງຊາດ ປະດັບຫຼຽນໄຊ ແລະຫຼຽນກາ ໃຫ້ແກ່ການນໍາ, ພະນັກງານ, ຄູ-ອາຈານ ແລະກົມກອງລວມໝູ່ ຂອງສະຖາບັນການເມືອງແຫ່ງຊາດ ໂຮ່ຈີມິນ ສສ ຫວຽດນາມ
ສະຖາບັນການເມືອງ ແລະ ການປົກຄອງແຫ່ງຊາດ ຕາງໜ້າໃຫ້ພັກ-ລັດ ແຫ່ງ ສປປ ລາວ ເດີນທາງໄປ ສສຫວຽດນາມ ເພື່ອຈັດຕັ້ງພິທີປະດັບຫຼຽນໄຊ, ຫຼຽນກາ ເຊິ່ງເປັນຫຼຽນຂັ້ນສູງ ຂອງ ສປປ ລາວ ໃຫ້ແກ່ກົມກອງ, ການນໍາ ແລະພະນັກງານ, ຄູ-ອາຈານ ຂອງສະຖາບັນການເມືອງແຫ່ງຊາດ ໂຮ່ຈີມິນ ໃນໂອກາດສະເຫຼີມສະຫຼອງສອງວັນປະຫວັດສາດແຫ່ງ ການພົວພັນລາວ-ຫວຽດນາມ ຄົບຮອບ 60 ປີ (5 ກັນຍາ 1962 –…
