ຄົ້ນຫາ
ດາວໂຫລດເອກະສານ
ເວັບໄຊ ພາກສ່ວນລັດຖະບານ
ລາຍການບົດວິທະຍານິພົນ
ຕາຕະລາຮຽນ
ການນຳໃຊ້ພາສາລາວ
ສະຖາບັນການເມືອງ ແລະ ການປົກຄອງແຫ່ງຊາດ ສະຫຼຸບການລົງກໍ່ສ້າງຮາກຖານການເມືອງ ຂອງນັກສຶກສາ ຢູ່ເມືອງນາຊາຍທອງ
ໃນວັນທີ 15 ກຸມພາ ທີ່ຜ່າມມາ, ກົມວິຊາການ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ສະຫຼຸບພ້ອມທັງຕີລາຄາ ການລົງກໍ່ສ້າງຮາກຖານການເມືອງ ຂອງນັກສຶກສາປະລິນຍາຕີ ຮຸ່ນທີ XXII ແລະ ອະນຸປະລິນຍາ ຮຸ່ນທີ XVI ທີ່ໄດ້ດຳເນີນແຕ່ວັນທີ 20 ພະຈິກ ເຖິງ ວັນທີ 16 ທັນວາ 2018, ທັງນີ້ກໍເພື່ອເປັນການການສະຫຼຸບ, ຖອດຖອນບົດຮຽນ ແລະ ແລກປ່ຽນບາງດ້ານ, ທັງເປັນການຊອກຮູ້ພຶດຕິກໍາ ສົມທຽບກັບທິດສະດີທີ່ໄດ້ສຶກສາຄົ້ນຄວ້າຕະຫຼອດໄລຍະຂອງການສຶກສາຢູ່ທີ່ ສມປຊ ເຊິ່ງສະເພາະປີນີ້ແມ່ນລະບົບປະລິນຍາຕີ ຮຸ່ນທີ XXII ຫ້ອງ ກ ແລະ ຫ້ອງ ຂ, ນັກສຶກສາອະນຸປະລິນຍາ ຮຸ່ນທີ XVI ຈຳນວນທັງໝົດ 181 ທ່ານ, ຍິງ 46 ທ່ານ ທີ່ໄດ້ຄັດເລືອກເອົາເມືອງນາຊາຍທອງ ເປັນບ່ອນລົງກໍ່ສ້າງຮາກຖານການເມືອງ. ໃນນັ້ນໄດ້ແບ່ງອອກເປັນ 2 ກຸ່ມຄື: ກຸ່ມບ້ານສີເກີດ ແລະ ກຸ່ມບ້ານນາຊາຍທອງ. ກອງປະຊຸມດັ່ງກ່າວ ພາຍໃຕ້ການເປັນປະທານ ຂອງທ່ານ ຮສ ສະໝຸດທອງ ສົມພານິດ ຄະນະບໍລິຫານງານພັກ, ຮອງຫົວໜ້າ ສມປຊ, ມີ ທ່ານ ວຽງຄຳ ສີຫາໂຄດ ຮອງເລຂາພັກເມືອງ, ຮອງເຈົ້າເມືອງນາຊາຍທອງ, ມີຕາງໜ້າຄະນະອຳນາດການປົກຄອງບ້ານ 16 ບ້ານ ແລະ ນັກສຶກສາທັງສອງຮຸ່ນທີ່ລົງກໍ່ສ້າງຮາກຖານເຂົ້າຮ່ວມ.
ນັກສຶກສາປະລິນຍາຕີ ຮຸ່ນທີ XXIII ຫ້ອງ ຂ ສຳເລັດການລົງທັດສະນະສຶກສາ ທີ່ເມືອງທຸລະຄົມ
ເພື່ອເປັນການຍົກສູງຄຸນນະພາບການຮຽນ-ການສອນ ແລະການຄົ້ນຄວ້າວິທະຍາສາດ ໃຫ້ນັບມື້ມີຄຸນນະພາບ ແລະມີປະສິດທິຜົນຫຼາຍຂຶ້ນກວ່າເກົ່າ, ພ້ອມທັງຫັນເອົາການຄົ້ນຄວ້າທິດສະດີໄປຄຽງຄູ່ກັບພາກພຶດຕິກຳໃຫ້ໄດ້ຫຼາຍຂຶ້ນ ທັງເປັນພື້ນຖານໃຫ້ແກ່ການເສີມຂະຫຍາຍວິຊາຄວາມຮູ້ທີ່ໄດ້ຮຽນມານັ້ນໃຫ້ເລິກເຊິ່ງ ໂດຍສະເພາະແມ່ນວິຊາເສດຖະສາດການເມືອງ ກໍເປັນວິຊາໜຶ່ງໄດ້ບັນຈຸເຂົ້າໃນຫຼັກ ສູດການຮຽນ-ການສອນຂອງລະບົບການຮຽນ ຂອງສະຖາບັນການເມືອງ ແລະ ການປົກຄອງ. ດັ່ງນັ້ນ, ມາໃນວັນທີ 14 ກຸມພາ 2019 ຄະນະວິຊາເສດຖະສາດການເມືອງ ແລະຄຸ້ມຄອງເສດຖະກິດ ຈຶ່ງໄດ້ນຳພານັກສຶກສາປະລິນຍາຕີ ຮຸ່ນທີ XXIII ຫ້ອງ ຂ ຈຳນວນ 59 ຄົນ ໄປທັດສະນະສຶກສາຢູ່ຫ້ອງວ່າການປົກຄອງເມືອງທຸລະຄົມ ແຂວງວຽງຈັນ, ເຊິ່ງນຳພາໂດຍ ທ່່ານ ປທ ຄົມວິກິດ ສິມມະລີວົງ ຫົວໜ້າພາກວິຊາຄຸ້ມຄອງເສດຖະກິດ ແລະເປັນກຽດຕ້ອນຮັບການໄປທັດນະສຶກສາ ຂອງ ທ່ານ ບຸນທັບ ວົງໄຊ ຮອງເຈົ້າເມືອງທຸລະຄົມ.
ສະຖາບັນການເມືອງ ແລະ ການປົກຄອງແຫ່ງຊາດ ສະຫຼຸບວຽກງານການພົວພັນຮ່ວມມືຕ່າງປະເທດ
ພະແນກພົວພັນຕ່າງປະເທດ, ສະຖາບັນການເມືອງ ແລະ ການປົກຄອງແຫ່ງຊາດ ໄດ້ສະຫຼຸບວຽກງານການເຄື່ອນໄຫວ ໄລຍະປີ 2016-2018 ເຊິ່ງພະແນກດັ່ງກ່າວ ແມ່ນໄດ້ປະຕິບັດຕາມພາລະບົດບາດຂອງພະແນກໄດ້ເປັນຢ່າງດີເປັນຕົ້ນແມ່ນການກະກຽມ ແລະ ຮ່າງເອກະສານທາງການ ເພື່ອກະກຽມຄວາມພ້ອມ ໃນການຕ້ອນຮັບຄະນະຜູ້ແທນທີ່ຈະມາຢ້ຽມຢາມ ແລະ ເຮັດວຽກຢູ່ສະຖາບັນ ແລະ ສົ່ງຄະນະຜູ້ແທນທີ່ຈະໄປເຄື່ອນໄຫວຢູ່ຕ່າງປະເທດ. ປະສານກັບພາກສ່ວນຕ່າງໆທີ່ກ່ຽວຂ້ອງທັງຢູ່ພາຍໃນ ແລະ ນອກສະຖາບັນ ໃນການຈັດຕັ້ງພິທີປາຖະກາຖາໃນວັນສຳຄັນຕ່າງໆຂອງປະເທດເພື່ອນມິດ ແລະ ຂອງສາກົນ ຕາມແຕ່ລະຫົວຂໍ້ທີ່ເຫັນວ່າມີຄວາມໝາຍ ແລະ ຄວາມສຳຄັນ ຕໍ່ກັບການຈັດຕັ້ງພິທີປາຖະກະຖາ. ປະສານ ກັບອົງການຈັດຕັ້ງຂອງພັກ-ລັດ, ອົງການຈັດຕັ້ງມະຫາຊົນ ແລະ ສະຖາບັນການສຶກສາຕ່າງໆ ເພື່ອມາຮ່ວມມືເຮັດວຽກກັບສະຖາບັນ ໃນໂອກາດຕ່າງໆ.
ນັກສຶກສາ ປະລິນຍາຕີ ຮຸ່ນທີ XXII ແລະ ເຊື່ອມຕໍ່ ຮຸ່ນທີ XII ສຳເລັດການສອບເສັງ ວິຊາ ກິລາປ້ອງກັນຊາດ
ວິຊາກິລາປ້ອງກັນຊາດ ເປັນວິຊາໜຶ່ງທີ່ນອນຢູ່ໃນຫຼັກສູດການຮຽນ-ການສອນ ຂອງລະບົບປະລິນຍາຕີ ໂດຍຄະນະວິຊາລັດທິສັງຄົມນິຍົມວິທະຍາສາດ ເປັນຜູ້ຄຸ້ມຄອງ ແລະປະສານງານໃນການເຝິກແອບຄັ້ງນີ້ ເຊິ່ງໄດ້ຮັບການຮ່ວມມືຈາກ ທ່ານ ພັທ ອຸໄລ ອາດສະໜາໄຊ ຫົວໜ້າຄະນະວິຊາ 810 ແລະທ່ານ ພັທ ພັດທະນາ ພາສີຈັນ ຫົວໜ້າພາກວິຊາສີລະປະຍຸດ ຍຸດທະວິທີ ຈາກວິທະຍາຄານປ້ອງກັນຄວາມສະຫງົບແຫ່ງຊາດ ເປັນຜູ້ສິດສອນທັງພາກທິດສະດີ ແລະພາກປະຕິບັດຕົວຈິງ.