ຄົ້ນຫາ
ດາວໂຫລດເອກະສານ
ເວັບໄຊ ພາກສ່ວນລັດຖະບານ
ລາຍການບົດວິທະຍານິພົນ
ຕາຕະລາຮຽນ
ການນຳໃຊ້ພາສາລາວ
ວິທະຍຸສາກົນ ແຫ່ງປະເທດຈີນ ປະຈຳລາວ ມອບປື້ມຕຳລາການຮຽນ-ການສອນ
ວັນທີ 30 ເມສາ 2015 ທີ່ຜ່ານມາ ຢູ່ທີ່ຫ້ອງຮັບແຂກ ຊັ້ນ 2 (ຕຶກຫ້ອງການ) ໄດ້ມີການ ມອບ-ຮັບ ປື້ມຕຳລາຮຽນພາສາຈີນຈາກ ສຳນັກງານວິທະຍຸສາກົນແຫ່ງປະເທດຈີນປະຈຳລາວ (CRI) ເຊິ່ງປື້ມດັ່ງກ່າວນີ້ມີ: ປື້ມຕຳລາການ ຮຽນ-ການສອນ ພາສາຈີນ 25 ຫົວ ແລະ ວາລະສານ ພາເພີນ ຈຳນວນ 1000 ສະບັບ ລວມມູນຄ່າ 17.000.000 ກີບ ໂດຍການກ່າວມອບຂອງ ທ່ານ ດວງພະຈັນ ຫົວໜ້າ ສຳນັກງານວິທະຍຸສາກົນ ແຫ່ງປະເທດຈີນປະຈຳລາວ (CRI) ພ້ອມດ້ວຍ ທ່ານ ນ. ລັດຕະນະພອນ ໂຄສົກ-ນັກຂ່າວ ວິທະຍຸສາກົນ ແຫ່ງປະເທດຈີນປະຈຳລາວ ແລະ ເປັນກຽດ ກ່າວຮັບຂອງ ທ່ານ ປທ ນ. ຄຳຫຼ້າ ແກ້ວອຸ່ນຄຳ ຫົວໜ້າ ຫ້ອງການ ສມປຊ.
ສມປຊ ຈັດຕັ້ງຂະບວນການສະເຫຼີມສະຫຼອງ ວັນກຳມະກອນສາກົນ 1 ພຶດສະພາ ຄົບຮອບ 129 ປີ
ເນື່ອງໃນໂອກາດວັນສ້າງຕັ້ງກຳມະກອນສາກົນ 1 ພຶດສະພາ ຄົບຮອບ 129 ປີ ສະນັ້ນ ໃນຕອນ ເຊົ້າ ເວລາ 6 ໂມງ ຂອງວັນທີ 30 ເມສາ ທີ່ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດຕັ້ງພິທີການຮັບຟັງການເລົ່າປະຫວັດຄວາມເປັນມາ ແລະ ຄວາມສຳຄັນຂອງວັນທີ 1 ພຶດສະພາ ພ້ອມ ທັງຈັດຕັ້ງ ການຍ່າງເພື່ອສຸຂະພາບ, ການແຂ່ງຂັນກິລາແລ່ນ ແລະ ລານ, ເພື່ອຕ້ອນຮັບວັນສຳ ຄັນ ດັ່ງກ່າວຂຶ້ນ.
ພິທີມອບເງິນ ປະກອບສ່ວນເຂົ້າໃນກອງປະຊຸມໃຫຍ່ ຄັ້ງທີ IV ຂອງອົງຄະນະພັກ ສະຖາບັນການເມືອງ ແລະ ການປົກຄອງ ແຫ່ງຊາດ
ໃນວັນທີ 27.4.2015 ທີ່ຜ່ານມາ ລັດວິສາຫະກິດ ໄຟຟ້າລາວ ສາຂາເມືອງໄຊທານີ ໄດ້ມອບເງິນ ເພື່ອປະກອບສ່ວນ ເຂົ້າໃນກອງປະຊຸມໃຫຍ່ ຄັ້ງທີ IV ຂອງອົງຄະນະພັກ ສະຖາບັນການເມືອງ ແລະ ການປົກຄອງ ແຫ່ງຊາດ, ໂດຍຕາງໜ້າ ກ່າວມອບຂອງ ທ່ານ ວົງຜາສຸກ ສຸວັນນະວົງ ຫົວໜ້າ ໄຟຟ້າ ສາຂາ ເມືອງໄຊທານີ ຈຳນວນ 3.000.000 ກີບ. ແລະ ໃນມື້ ດຽວກັນ ນັັກສຶກສາ ປະລິນຍາໂທ ຮຸ່ນທີ IX ກໍ່ໄດ້ມອບເງິນ ຈຳນວນ 2.500.000 ກີບ ເພື່ອນຳໃຊ້ເຂົ້າໃນກອງປະຊຸມໃຫຍ່ ດັ່ງກ່າວ ຕາງໜ້າຫ້ອງໂດຍ ທ່ານ ນ. ອ່ອນຈັນ ຈັນສຸວັນນະແສງ ແລະ ທ່ານ ສັງວານ ແສງສັກສິດ ແລະ ເປັນກຽດກ່າວ ຮັບໂດຍ ທ່ານ ປທ ອຸບົນ ມະຫາໄຊ ຄະນະພັກ, ຮອງຫົວໜ້າ ສມປຊ. ການມອບ-ຮັບ ດັ່ງກ່າວ ທ່ານ ປທ ອຸບົນ ມະຫາໄຊ ກໍ່ໄດ້ສະແດງຄວາມຊົມເຊີຍຕໍ່ກັບການມອບເງິນອຸປະຖຳຈາກທັງ 2 ພາກສ່ວນດັ່ງກ່າວ ແລະ ໄດ້ມອບໃບກຽດຕິຄຸນເພື່ອສະ ແດງເຖິງຄຸນງາມຄວາມດີກໍ່ກັບການອຸປະຖຳຄັ້ງນີ້.
ພິທີປາຖະກະຖາ ແລະ ການມາຢ້ຽມຢາມ ຂອງຄະນະຜູ້ແທນ ຈາກ ໂຮງຮຽນພັກ ແຂວງຊານຕົງ ສປ ຈີນ
ໃນຕອນເຊົ້າຂອງວັນທີ 23 ເມສາ 2015 ນີ້ ທີ່ສະຖາບັນການເມືອງ ແລະ ການປົກຄອງໄດ້ຈັດຕັ້ງໃຫ້ມີພິທີປາຖະກະຖາຂຶ້ນໃນຫົວຂໍ້ "ການສ້າງຄວາມສາມາດຂອງພັກກຳອຳນາດ" ຈາກ ທ່ານ ຈາວສຽງ ຮອງອຳນວຍການຜູ້ປະຈຳການໂຮງຮຽນພັກແຂວງຊານຕົງ ພ້ອມດ້ວຍຄະນະຈຳນວນ 3 ທ່ານ ເຊິ່ງເນື້ອໃນຕົ້ນຕໍຂອງການເດີນທາງມາຢ້ຽມຢາມໃນຄັ້ງນີ້ ແມ່ນປະຕິບັດຕາມແຜນການແລກປ່ຽນຄະນະຜູ້ແທນ ລະຫວ່າງ ພັກປະຊາຊົນປະຕິວັດລາວ ແລະ ພັກກອມມູນິດຈີນປະຈຳປີ 2015 ເຊິ່ງຄະນະຜູ້ແທນ ດັ່ງກ່າວ ໄດ້ເດີນທາງມາຢ້ຽມຢາມ ແລະ ປາຖະກະຖາຕາມສະຖານທີ່ຫ້ອງການສຳຄັນຕ່າງໆຂອງພາກລັດ ໃນເຂດນະຄອນຫຼວງວຽງຈັນ ແຕ່ວັນທີ 22-25 ເມສາ 2015 ໃນໄລຍະການເຄື່ອນໄຫວຢ້ຽມຢາມ ສປປ ລາວ ຄະນະຜູ້ແທນດັ່ງກໍ່ຍັງໄດ້ແບ່ງເວລາມາຢ້ຽມ ແລະ ຈັດພິທີປາຖະກະຖາຢູ່ທີ່ ສະຖາບັນການເມືອງ ແລະ ການປົກຄອງແຫ່ງຊາດ.