ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດຕັ້ງພິທີເຊື່ອມຊຶມເອກະສານຂອງກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະປັບປຸງກົງຈັກການຈັດຕັ້ງ ທົ່ວປະເທດ ປະຈໍາປີ 2022 ທີ່ຈັດຂຶ້ນໃນ ລະຫວ່າງ ວັນທີ 27-28 ທັນວາ 2022ທີ່ຜ່ານມາ, ສະນັ້ນ, ເພື່ອເປັນການເຜີຍແຜ່ເນື້ອໃນກອງປະຊຸມດັ່ງກ່າວ ທ່ານ ຮສ ພູວົງ ອຸ່ນຄຳແສນ ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າ ສມປຊ ໄດ້ເຜີຍແຜ່ເອກະສານດັ່ງກ່າວໃຫ້ພະນັກງານສະມຊິກພັກໄດ້ຮັບຮູ້ ແລະເຂົ້າໃຈຕໍ່ກັບແນວທາງ, ວິທີຈັດຕັ້ງປະຕິບັດໃຫ້ຖືກຕ້ອງ ແລະເອົາໃຈໃສ່ສຶກສາອົບຮົມຄຸນທາດການເມືອງເຮັດໃຫ້ສະມາຊິກພັກ-ພະນັກງານຕັ້ງໜ້າເຝິກຝົນຫຼໍ່ຫຼອມຕົນເອງ ໃຫ້ກາຍເປັນບຸກຄົນຜູ້ເຮັດແທ້ທຳຈິງ ແລະເປັນຜູ້ປອດໃສຂາວສະອາດ ເພື່ອຮັກສາ ແລະເສີມຂະຫຍາຍລັກສະນະນຳໜ້າຂອງພັກຢ່າງສະເໝີຕົ້ນສະເໝີປາຍ.
ພ້ອມນັ້ນໃນພິທີໄດ້ມອບໃບຢັ້ງຢືນໜ່ວຍພັກປອດໃສ, ໜັກແໜ້ນ ແລະເຂັ້ມແຂງ ປະເພດ 1 ຊຶ່ງມີ:
- ໜ່ວຍພັກຮາກຖານ ຄະນະບໍລິຫານສາດ.
- ໜ່ວຍພັກຮາກຖານ ຄະນະເສດຖະສາດການເມືອງ ແລະ ຄຸ້ມຄອງເສດຖະກິດ-ຄະນະລັດທິສັງຄົມນິຍົມວິທະຍາສາດ
- ໜ່ວຍພັກຮາກຖານ ນັກສຶກສາ ປະລິນຍາຕີ ຮຸ່ນທີ 25 ຫ້ອງ ກ.
ປະເພດ 2:
- ໜ່ວຍພັກຮາກຖານຫ້ອງການ
- ໜ່ວຍພັກຮາກຖານ ສູນຂໍ້ມູນຂ່າວສານການເມືອງ ແລະ ການປົກຄອງ-ສູນຄົ້ນຄວ້າແນວຄິດໄກສອນ ພົມວິຫານ.
- ໜ່ວຍພັກຮາກຖານກົມຄຸ້ມຄອງການຄົ້ນຄວ້າວິທະຍາສາດ-ກົມຄຸ້ມຄອງການຮຽນ-ການສອນ.
- ໜ່ວຍພັກຮາກຖານ ກົມຈັດຕັ້ງ ແລະ ພະນັກງານ-ກົມກວດກາ
- ໜ່ວຍພັກຮາກຖານ ຄະນະປັດຊະຍາ ແລະ ຄະນະກໍ່ສ້າງພັກ-ປະຫວັດສາດພັກ
- ໜ່ວຍພັກຮາກຖານ ນັກສຶກສາ ປະລິນຍາຕີ ຮຸ່ນທີ 24 ຂ
- ໜ່ວຍພັກຮາກຖານ ນັກສຶກສາ ປະລິນຍາຕີ ຮຸ່ນທີ 25 ຂ
- ໜ່ວຍພັກຮາກຖານ ນັກສຶກສາ ປະລິນຍາໂທ ຮຸ່ນທີ 16
- ໜ່ວຍພັກຮາກຖານ ນັກສຶກສາ ອະນຸປະລິນຍາ ຮຸ່ນທີ 19
ນອກນັ້ນ, ໃນພິທີໄດ້ຖືເອົາໂອກາດສຳຄັນດັ່ງກ່າວປະກາດການຈັດຕັ້ງຂັ້ນຮອງກົມ ຫຼື ທຽບເທົ່າ ແລະຂັ້ນຫົວໜ້າພະແນກ, ຮອງພະແນກ ຫຼື ທຽບເທົ່າ. ໃຫ້ກຽດຜ່ານຂໍ້ຕົກລົງຂອງຫົວໜ້າ ສມປຊ ໂດຍ ທ່ານ ປທ ນ. ພອນໄຊ ລາດຊະວົງ ຫົວໜ້າກົມຈັດຕັ້ງ-ພະນັກງານ.
- ທ່ານ ປທ ບຸນໜາ ສີຫາລາດ ຫົວໜ້າພະແນກບໍລິຫານ ຂຶ້ນເປັນ ຮອງຫົວໜ້າຫ້ອງການ ສມປຊ.
- ທ່ານ ປອ ພອນວິໄລ ພົມວຽງໄຊ ຫົວໜ້າພາກວິຊາການເມືອງວິທະຍາ ຂຶ້ນເປັນ ຮອງຫົວໜ້າຄະນະລັດທິສັງຄົມນິຍົມວິທະຍາສາດ.
- ທ່ານ ປອ ນ. ຈັນທະໜອມ ບັນດາວົງ ຫົວໜ້າພາກວິຊາກໍ່ສ້າງພັກ ຂຶ້ນເປັນ ຮອງຫົວໜ້າກົມຈັດຕັ້ງ-ພະນັກງານ.
- ທ່ານ ພຸດສະດີ ສີຫາລາດ ຮອງຫົວໜ້າພະແນກບໍລິຫານ ຂຶ້ນເປັນຫົວໜ້າພະແນກບໍລິຫານຂຶ້ນກັບຫ້ອງການ
- ທ່ານ ປທ ຄອນສະຫວັນ ແພງບຸບບຜາ ຮອງຫົວໜ້າພະແນກຄຸ້ມຄອງຊັບສິນ ແລະໄອທີ ຂຶ້ນເປັນຫົວໜ້າພະແນກຄຸ້ມຄອງຊັບສິນ ແລະໄອທີ ຂຶ້ນກັບຫ້ອງການ.
- ທ່ານ ປທ ດາລາວອນ ພອນສະຫວັນ ຮອງຫົວໜ້າພະແນກປະຫວັດການເຄື່ອນໄຫວ ຂອງ ປະທານ ໄກສອນ ພົມວິຫານ ຂຶ້ນເປັນ ຫົວໜ້າພະແນກປະຫວັດການເຄື່ອນໄຫວ ຂອງປະທານ ໄກສອນ ພົມວິຫານ, ຂຶ້ນກັບສູນຄົ້ນຄວ້າ ແນວຄິດໄກສອນພົມວິຫານ.
- ທ່ານ ພູນສຸກ ສິດທິແສງ ຮອງຫົວໜ້າພະແນກພະນັກງານ ຂຶ້ນເປັນຫົວໜ້າພະແນກພະນັກງານ, ກົມຈັດຕັ້ງ-ພະນັກງານ.
- ທ່ານ ປທ ຕຽງລາວັນ ແກ້ວບົວວັນ ຂຶ້ນເປັນ ຮອງຫົວໜ້າພະແນກສັງລວມ ຂຶ້ນກັບຫ້ອງການ
- ທ່ານ ວິໄລສັກ ບຸນຕາບັນດິດ ຂຶ້ນເປັນ ຮອງຫົວໜ້າພະແນກຄຸ້ມຄອງຊັບສິນ ແລະ ໄອທີ ຂຶ້ນກັບຫ້ອງການ
- ທ່ານ ທອງດຳ ທໍາມະວົງ ຂຶ້ນເປັນ ຮອງຫົວໜ້າພະແນກກວດກາພັກຂຶ້ນກັບກົມກວດກາ.
- ທ່ານ ນ. ອານຸລັກ ແກ້ວຄຳດີ ຂຶ້ນເປັນຮອງພາກວິຊາ ປະຫວັດປັດຊະຍາກ່ອນມາກ-ເລນິນຂຶ້ນກັບຄະນະປັດຊະຍາ
- ທ່ານ ນ. ທັດສະລີ ພົມສີສຸວັນ ຂຶ້ນເປັນຮອງພາກວິຊາ ປັດຊະຍາມາກ-ເລນິນ ຂຶ້ນກັບຄະນະປັດຊະຍາ
- ທ່ານ ນ. ເພັດສະດີ ຄັນທະວົງ ຂຶ້ນເປັນຮອງພາກວິຊາ ກໍ່ສ້າງພັກ ຂຶ້ນກັບຄະນະກໍ່ສ້າງພັກ ແລະປະຫວັດສາດພັກ.
- ທ່ານ ປອ ອຸທອນ ຈາວພະລີພັນ ຫົວໜ້າພະແນກ ຫ້ອງການເລຂາສະພາວິທະຍາສາດໂຍກຍ້າຍບ່ອນເຮັດວຽກ ຢູ່ ພາກວິຊາວິທະຍາສາດການບໍລິຫານ ຂຶ້ນກັບຄະນະບໍລິຫານສາດ.
ຂ່າວ/ພາບ: ຕາອັອດ ແສນທະວີສຸກ
ບັນນາທິການ: ປທ ບຸນປັນ ສຸມຸນທອງ