ວັນທີ 9 ມິຖຸນາ 2022 ທີ່ຫໍສະໜຸດ ຊັ້ນ 2 ຕຶກສູນຂໍ້ມູນຂ່າວສານ ສະຖາບັນການເມືອງ ແລະ ການປົກຄອງແຫ່ງຊາດ ທ່ານ ພັທ ສາຍເພັດ ແກ້ວມຸງຄຸນ ຫົວໜ້າພາກວິຊາຄູການເມືອງ ຕາງໜ້າໂຮງຮຽນ 307 ເຕັກນິກກົດລັບ ພ້ອມດ້ວຍຄະນະ ໄດ້ເຂົ້າມາຢ້ຽມຢາມ ຫໍສະໝຸດ ສມປຊ ແລະແລກ ພົວພັນເອກະສານ ກ່ຽວກັບຕໍາລາຮຽນຊັ້ນສູງ ເພື່ອຍົກລະດັບໂຮງຮຽນຈາກເຕັກນິກກົດລັບຊັ້ນກາງຂຶ້ນເປັນວິທະຍາໄລເຕັກນິກກົດລັບ ເຊິ່ງໃຫ້ກຽດຕອນຮັບໂດຍ ທ່ານ ປທ ນ. ວະໄລລັກ ອະໄພ ຫົວໜ້າສູນຂໍ້ມູນຂ່າວສານ ການເມືອງ ແລະ ການປົກຄອງ ພ້ອມດ້ວຍຄະນະ ແລະພະນັກງານ, ຄູ-ອາຈານ.
ທ່ານ ພັທ ສາຍເພັດ ແກ້ວມຸງຄຸນ ພ້ອມດ້ວຍຄະນະ ກໍໄດ້ໂອລົມຖາມຂ່າວຢ້ຽມຢາມ ດ້ວຍຄວາມເປັນຫວ່ງເປັນໄຍ ພ້ອມດຽວກັນນັ້ນກໍໄດ້ເລົ່າປະຫວັດຄວາມເປັນມາກ່ຽວກັບ ໂຮງຮຽນ 307 ເຕັກນິກກົດລັບ ແລະທາງຄະນະສູນກໍໄດ້ເລົ່າກ່ຽວກັບປະຫວັດຄວາມເປັນມາ ພ້ອມດ້ວຍສະພາບ ການຂະຫຍາຍຕົວຂອງ ຫໍສະໝຸດ ສມປຊ ເຊັ່ນດຽວກັນ ເຊິ່ງເອກະສານທີ່ຈະມາພົວພັນປະກອບມີ:
- ວິຊາ ປັດຊະຍາ ມາກ-ເລນິນ
- ວິຊາ ລັດ ແລະກົດໜາຍ
- ວິຊາເສດຖະສາດ
- ວິຊາລັດທິສັງຄົມນິຍົມວິທະຍາສາດ
- ວິຊາ ຄຸນສົມບັດຂອງປະທານ ໄກສອນ ພົມວິຫານ
- ປະຫວັດສາດມູນເຊື້ອ
- ວຽກງານພັກ-ວຽກງານການເມືອງ
- ພາສາອັງກິດ 1, 2
ຂ່າວ/ພາບ: ນ. ທິດດາວອນ ດວງປະເສີດ
ບັນນາທິການ: ປທ ບຸນປັນ ສຸມຸນທອງ