ໃນວັນທີ 29 ສີງຫາ 2025 ທີ່ຜ່ານມາໂຮງຮຽນການເມືອງ ແລະ ການປົກຄອງ ແຂວງໄຊຍະບູລີ ໄດ້ຈັດພິທີມອບ-ຮັບໜ້າທີ່ຫົວໜ້າໂຮງຮຽນການເມືອງ ແລະ ການປົກຄອງແຂວງໄຊຍະບູລີ ລະຫວ່າງ ຜູ້ເກົ່າ ແລະຜູ້ໃໝ່, ໂດຍໃຫ້ກຽດເຂົ້າຮ່ວມເປັນປະທານໂດຍ: ທ່ານ ສົມຫວັງ ແກ້ວວິໄລສັກ ຄະນະປະຈຳພັກແຂວງ, ປະທານກວດກາພັກ-ລັດແຂວງ, ປະທານຕ້ານ ແລະສະກັດກັ້ນການສໍ້ລາດບັງຫຼວງຂັ້ນແຂວງ, ມີຫົວໜ້າ, ຮອງຫົວໜ້າພະແນກການອ້ອມຂ້າງແຂວງກໍ່ໄດ້ເຂົ້າຮ່ວມ, ພ້ອມດ້ວຍພະນັກງານ, ຄູ-ອາຈານ ແລະນັກສືກສາພາຍໃນໂຮງຮຽນກໍ່ໄດ້ເຂົ້າຮ່ວມຢ່າງພ້ອມພຽງ.
ໃນໂອກາດດຽວກັນນີ້ ທ່ານ ປອ. ສີສອນພັນ ບຸນສີ ກໍ່ໄດ້ລາຍງານໂດຍຫຍໍ້ ຕໍ່ທ່ານປະທານ ແລະແຂກທີ່ຖືກເຊີນວ່າ: ຄະນະພັກໂຮງຮຽນໄດ້ສຸມໃສ່ນຳພາສືກສາອົບຮົມ ດ້ານການເມືອງ-ແນວຄິດໃຫ້ສະມາຊີກພັກ-ລັດຖະກອນ ແລະຄູ-ອາຈານຢ່າງເປັນປົກກະຕິດ້ວຍຫຼາຍຮູບການ, ຫຼາຍເນື້ອໃນຢ່າງຕໍ່ເນື້ອງ, ນຳເອົາແນວທາງ,ແຜນນະໂຍບາຍຂອງພັກ, ລະບຽບກົດໝາຍຂອງລັດ, ມະຕິກອງປະຊຸມໃຫຍ່ຄັ້ງທີ XIຂອງພັກ, ມະຕິກອງປະຊຸມໃຫຍ່ຄັ້ງທີ່ VII ຂອງອົງຄະນະພັກແຂວງ, ມະຕິກອງປະຊຸມໃຫຍ່ຄັ້ງທີ VIຂອງໜ່ວຍພັກ, ມາເຜີຍແຜ່ເຊື້ອມຊືມ, ພ້ອມດຽວກັນນັ້ນກໍ່ໄດເຂົ້າຮ່ວມໃນວັນສຳຄັນຂອງພັກ, ຂອງຊາດ ແລະນິຕິກຳອື່ນໆ ແລະໄດ້ສ້າງຄວາມຮັບຮູ້ທາງດ້ານການເມືອງທີ່ໜັກແໜ້ນ ມີສະຕິເປັນເຈົ້າຂອງປະເທດຊາດຂອງສະມະຊີກພັກ-ພະນັກງານສູງຂື້ນເປັນກ້າວໆ.
ວຽກງານອົງການຈັດຕັ້ງໜ່ວຍພັກໂຮງຮຽນການເມືອງ ແລະ ການປົກຄອງແຂວງເປັນຮາກຖານພັກໜຶ່ງທີ່ຂື້ນກັບການນຳພາ-ຊີ້ນຳໂດຍກົງຂອງຄະນະພັກແຂວງ ເຮັດບົດບາດໜ້າທີ່ໃນການເຜີຍແຜ່ໂຄສະນາ, ສືກສາອົບຮົມ, ບຳລຸງ-ກໍ່ສ້າງສະມະຊີກພັກ, ພະນັກງານ ພາຍໃນຂອບເຂດຄວາມຮັບຜິດຊອບຂອງຕົນປະກອບມີຄະນະໜ່ວຍພັກຈຳນວນ 4 ສະຫາຍ, ຍີງ 1 ສະຫາຍ; ມີສະມາຊິກພັກທັງໝົດ 23ສະຫາຍ,ຍີງ 8ສະຫາຍ. ໂດຍມີການແບ່ງຄວາມຮັບຜິດຊອບໃຫ້ແຕ່ລະສະຫາຍຢ່າງລະອຽດຈະແຈ້ງ, ນຳພາເຄື່ອນໄຫວວຽກງານຕາມພາລະ-ບົດບາດຢູ່ແຕ່ລະໜ້າວຽກ, 2 ອົງການຈັດຕັ້ງມະຫາຊົນ (ກຳມະບານ ແລະແມ່ຍີງ), ມີການສະຫຼຸບ, ລາຍງານຢ່າງເປັນປົກກະຕິ ແລະສຳເລັດການເປີດກອງປະຊຸມໃຫຍ່ຂອງຕົນ, ສະມາຊີກມີສະຕິຕໍ່ການຈັດຕັ້ງກໍ່ຄືຕໍ່ລະບຽບຂອງພັກ, ກົດໝາຍຂອງລັດ ແລະເປັນແບບຢ່າງນຳໜ້າໃຫ້ແກ່ມະຫາຊົນ ແລະມີຜົນສຳເລັດໃນໜ້າທີ່ວຽກງານຕາມການມອບໝາຍ.
ທາງດ້ານວຽກງານວິຊາການກໍ່ສຳເລັດ ໃນການເປັນເຈົ້າການໃນການເປີດກອງປະຊຸມສະມະນາວິທະຍາສາດຮ່ວມ ແລະກອງປະຊຸມແລກປ່ຽນບົດຮຽນ ລະຫວ່າງ ໂຮງຮຽນການເມືອງ ແລະ ການປົກຄອງ 6 ແຂວງພາກເໜືອ ສຳເລັດການຂຽນບົດວິທະຍາສາດລະດັບພາກຈຳນວນ 2ຫົວຂໍ້. ວຽກງານຂໍ້ມູນຂ່າວສານໄດ້ສຳເລັດການສ້າງເວບໄຊ ຂອງໂຮງຮຽນການເມືອງ ແລະ ການປົກຄອງແຂວງ. ນອກນັ້ນ, ກໍ່ໄດ້ມີການສັບຊ້ອນ, ຈັດວາງລະບົບຖານຂໍ້ມູນຄືນ
ໃໝ່ໂດຍສະເພາະແມ່ນບັນດາປື້ມປະເພດຕ່າງໆທີມີຢູ່ໃນຫ້ອງສະໝຸດ ເພື່ອເຮັດໃຫ້ຜູ້ເຂົ້າໄປຊົມໃຊ້ມີຄວາມສະດວກສະບາຍ ແລະວ່ອງໄວຂື້ນໄປຄຽງຄູ່ກັບດ້ານຕັ້ງໜ້າທີ່ໄດ້ສະເໜີຜ່ານໄປແລ້ວນັ້ນ ກໍ່ຍັງມີດ້ານອ່ອນ ແລະຂໍ້ຄົງຄ້າງຈຳນວນໜຶ່ງທີຈະຕ້ອງໄດ້ສືບຕໍ່ປັບປຸງແກ້ໄຂ.
ໃນພິທີຍັງໄດ້ປະກາດການຍົກຍ້າຍ, ແຕ່ງຕັ້ງຫົວໜ້າຄົນເກົ່າຄື: ທ່ານ ປອ ສີສອນພັນ ບຸນສີ ຫົວໜ້າໂຮງ ຮຽນການເມືອງ ແລະ ການປົກຄອງແຂວງໄປເປັນຮອງພະແນກຈັດຕັ້ງແຂວງ ແລະໄດ້ຍົກຍ້າຍ ທ່ານ ປອ ນາງ ໄມພອນເຮີ ຂື້ນມາເປັນຜູ້ຮັກສາການຫົວໜ້າໂຮງຮຽນການເມືອງ ແລະ ການປົກຄອງແຂວງຄົນໃໝ່
ໃນຕອນທ້າຍພິທີ ທ່ານ ສົມຫວັງ ແກ້ວວິໄລສັກ ຄະນະປະຈຳພັກແຂວງ, ປະທານກວດກາພັກ-ລັດແຂວງປະທານຕ້ານ ແລະ ສະກັດກັ້ນການສໍ້ລາດບັງຫຼວງຂັ້ນແຂວງໄດ້ມີຄຳໂອລົມດັ່ງນີ້: ພະນັກງານ-ລັດຖະກອນແຕ່ລະ ທ່ານກ່ອນທີຈະໄດ້ພັກການ-ຮັບອູດໜູນບຳນານ ໄປຮັບໜ້າທີໃໝ່ ກໍ່ຕ້ອງໄດ້ເປັນເຈົ້າການປະຕິບັດໜ້າທີຄວາມຮັບຜິດຊອບຂອງຕົນໃຫ້ສຳເລັດ, ມີຄວາມຮູ້, ຄວາມສາມາດ ແລະເງືອນໄຂອື່ນໆ ທີ່ຖືກຕ້ອງ, ຄົບຕາມມາດຖານ, ລະບຽບຫຼັກການທີໄດ້ກຳນົດໄວ້; ສ່ວນການແຕ່ງຕັ້ງສັບຊ້ອນໜ້າທີ່ໃໝ່ຕ້ອງໄດ້ຖືສຳຄັນວຽກງານການເມືອງ-ແນວຄິດເປັນວຽກກົກ ທີ່ຈະຕ້ອງໄດ້ເຮັດຢ່າງເປັນປະຈຳ ແລະກໍໄດ້ລະບຸໄວ້ຢູ່ໃນຄຳສັ່ງເລກທີ 01 ຂອງກົມການເມືອງເຊິ່ງມີ 5 ເນື້ອໃນປັບປຸງການກໍ່ສ້າງໜ່ວຍພັກປອດໃສ, ເຂັ້ມແຂງ ແລະໜັກແໜ້ນ ໃຫ້ເອົາໃຈໃສ່ເປັນພິເສດໃນກຳແໜ້ນແນວທາງນະໂຍບາຍຂອງພັກ, ແນວຄິດທິດສະດີ ໄກສອນ ພົມວິຫານ, ມູນເຊື້ອຂອງພັກ, ຂອງຊາດແລ້ວນຳມາຈັດຕັ້ງຜັນຂະຫຍາຍເປັນແຜນການໂຄງການອັນລະອຽດ ເພື້ອຈັດຕັ້ງປະຕິບັດເປັນແຕ່ລະໄລຍະ. ສືບຕໍ່ເປັນເຈົ້າການຝືກຝົນຫຼໍ່ຫຼອມຄຸນທາດການເມືອງ, ຄົນສົມບັດສີນທຳປະຕິວັດ, ຄວາມເປັນແບບຢ່າງນຳໜ້າ ໃນການປະຕິບັດໜ້າທີການເມືອງ ທີ່ໄດ້ຮັບການມອບໝາຍໃຫ້ສໍາເລັດ, ດຳລົງຊີວິດດ້ວຍຄວາມປອດໃສຂາວສະອາດ, ເປັນແບບຢ່າງນຳໜ້າເຊິ່ງສະແດງອອກໃນການເປັນແບບຢ່າງ ໃນການປະຕິບັດກົດລະບຽບຂອງພັກ, ກົດໝາຍຂອງລັດ. ໃຫ້ສຸມໃສ່ປັບປຸງລະບອບແບບແຜນວິທີເຮັດວຽກ, ວິທີນຳພາ, ຂອງຄະນະພັກ, ຄະນະນຳ, ໂດຍປະຕິບັດຕາມຫຼັກການລວມສູນປະຊາທິປະໄຕ. ຫຼີກເວັ້ນທັດສະນະແນວຄິດຄັບແຄບ, ຈຸ້ມເຈື້ອ,ເຊື້ອສາຍ, ແນວຄິດພັກພວກກຸ່ມກ້ອນ ຫຼື ແນວຄິດມັກງ່າຍໂດຍບໍ່ຄຳນຶງເຖີງຜົນປະໂຫຍດສ່ວນລວມ ແລະອື່ນໆ.
ຂ່າວ/ພາບ: ໂຮງຮຽນການເມືອງ ແລະການປົກຄອງແຂວງໄຊຍະບູລີ
ບັນນາທິການ: ປທ ບຸນປັນ ສຸມຸນທອງ