ໃນເວລາ 13 ໂມງ 00 ນາທີ ຂອງວັນທີ 2-9 ມີຖຸນາ 2020 ທີ່ຜ່ານມານີ້, ຢູ່ທີ່ຫ້ອງຮຽນ 209 ນັກສຶກສາຫ້ອງອະນຸປະລິນຍາຮຸ່ນທີ XVII ໄດ້ເປີດກອງປະຊຸມ ຜ່ານຮ່າງບົດລາຍງານການເມືອງ ແລະຜ່ານຮ່າງບົດສໍາຫຼວດການນໍາພາລວມ ຂອງຄະນະພັກ ສມປຊ ສະໄໝທີ IV ຕໍ່ກອງປະຊຸມໃຫຍ່ຄັ້ງທີ V ຂອງອົງຄະນະພັກ ສມປຊ. ໂດຍການເປັນປະທານ ຂອງທ່ານ ນ. ແສງທອງ ຊຽນປັນຍາ ເລຂາພັກຫ້ອງຫົວໜ້າຫ້ອງອະນຸປະລິນຍາ ຮຸ່ນທີ XVII ມີສະມາຊິກພັກນັກສຶກສາພາຍໃນຫ້ອງເຂົ້າຮ່ວມທັງໝົດ 58 ສະຫາຍ, ຍິງ 14 ສະຫາຍ.
ຈຸດປະສົງຂອງກອງປະຊຸມດັ່ງກ່າວນີ້ ແມ່ນເພື່ອປະກອບຄໍາຄິດ-ຄໍາເຫັນຂອງບັນດາສະມາຊິກພັກພາຍໃນໜ່ວຍພັກຮາກຖານຂອງຫ້ອງອະນຸປະລິນຍາ ຮຸ່ນທີ XVII ໃສ່ຮ່າງບົດລາຍງານການເມືອງ ແລະບົດສໍາຫຼວດການນໍາພາລວມ ຂອງຄະນະພັກ ສມປຊ ສະໄໝທີ IV ຕໍ່ກອງປະຊຸມໃຫຍ່ຄັ້ງທີ V ຂອງອົງຄະນະພັກ ສມປຊ ເພື່ອໃຫ້ເນື້ອໃນ ໃນບົດດັ່ງກ່າວມີຄວາມອຸດົມສົມບູນ, ຄົບຖ້ວນ ແລະສ່ອງແສງຕົວຈິງຂຶ້ນຕື່ມ. ພາຍໃນກອງປະຊຸມ ບັນດາສະຫາຍສະມາຊິກພັກໄດ້ສຸມສະຕິປັນຍາ ປະກອບຄໍາຄິດເຫັນຢ່າງກົງໄປ ກົງມາ ໃສ່ເນື້ອໃນບົດດັ່ງກ່າວ ເພື່ອໃຫ້ຜູ້ແທນຂອງສະມາຊິກພັກພາຍໃນຫ້ອງ ນໍາໄປສະເໜີຕໍ່ກອງປະຊຸມຂັ້ນເທິງຕໍ່ໄປ.
ຂ່າວ/ພາບ: ທ່ານ ຕຸ້ຍ ໄຊຍະວົງ
ບັນນາທິການ: ຄອນສະຫວັນ ແສນຍານຸພາບ