ໃນຕອນເຊົ້າ ວັນທີ 12 ພະຈິກ 2020 ໂຮງຮຽນການເມືອງ ແລະການປົກຄອງແຂວງບໍ່ແກ້ວ ໄດ້ຈັດການສອບເສັງປາກເປົ່າ ລະດັບສະຖາບັນການເມືອງ ແລະການປົກຄອງແຫ່ງຊາດ ວິຊາຂົນຂວາຍມະຫາຊົນ ເປັນປະທານເປີດການສອບເສັງ ທ່ານ ປທ ຄຳແສງ ສຸລິຍະວົງ ກຳມະການພັກແຂວງ ຫົວໜ້າໂຮງຮຽນການເມືອງ ແລະ ການປົກຄອງແຂວງບໍ່ແກ້ວ, ມີບັນທ່ານຄະນະຫົວໜ້າໂຮງຮຽນ, ກຳມະການ, ນັກສຶກສາຮຸ່ນທີ IX ເຂົ້າຮ່ວມ
ການສອບເສັງປາກເປົ່າແມ່ນເພື່ອວັດຄວາມຮູ້ ຄວາມເຂົ້າໃຈ ຂອງນັກສຶກສາທີ່ໄດ້ຜ່ານການຮຽນຕາມຫຼັກສູດຂອງການຮຽນວິຊາຂົນຂວາຍມະຫາຊົນຮາກຖານການເມືອງໃນການເຄື່ອນໄຫວວຽກງານຂົນຂວາຍໂຄສະນາປຸກລະດົມ ຂະບວນການມະຫາຊົນໃຫ້ມີນ້ຳໃຈສາມັກຄີເປັນປຶກແຜ່ນແໜ້ນໜາ ເພື່ອໃຫ້ມະຫາຊົນເປັນກໍາລັງແຮງໃນທົ່ວສັງຄົມພາຍໃຕ້ການນໍາພາຂອງພັກ ສາມາດເຮັດສໍາເລັດໜ້ທີ່ໃນການຮັກສາຄວາມເປັນເອກະລາດ, ການປົກປັກຮັກສາ ແລະສ້າງສາພັດທະນາປະເທດຊາດ ໃຫ້ມີຄວາມໜັກແໜ້ນ ເຂັ້ມແຂງຮອບດ້ານ. ຜ່ານການຈັດຕັ້ງປະຕິບັດການຮຽນ-ການສອນ ຂອງຄູອາຈານໃນການທ່າຍທອດຄວາມຮູ້ຄວາມເຂົ້າໃຈໃຫ້ແກ່ນັກສຶກສາ ໃນແຕ່ລະວິຊາຮຽນ ໂດຍສະເພາະວິຊາ ຂົນຂວາຍມະຫາຊົນ ເຊິ່ງມີນັກສຶກສາຮຸ່ນທີ 9 ຈຳນວນ 49 ສະຫາຍ, ຍິງ 13 ສະຫາຍ, ໄດ້ມາສຶກສາຮ່ຳຮຽນ ຢູ່ໂຮງຮຽນແຫ່ງນີ້, ການສອບເສັງປາກເປົ່າແມ່ນໄດ້ແບ່ງເປັນ ສາມຫ້ອງ, ແຕ່ລະຫ້ອງມີ 16 ຄົນ, ແຕ່ລະຄົນແມ່ນຈະໄດ້ຈົກເອົາຄຳຖາມ ແລະຕອບ, ໂດຍອາໃສທິດສະດີທີ່ຮຽນ ແລະຖາມຄວາມຮູ້ຕ່າງໆ ຜ່ານມາສົມທຽບກັບພຶດຕິກຳຕົວຈິງ ນີ້ກໍ່ເພື່ອເປັນການວັດ ແລະປະເມີນຜົນ ຄວາມຮູ້ຄວາມເຂົ້າໃຈ ຂອງນັກສຶກສາທີ່ໄດ້ຜ່ານການຮຽນທິດສະດີສາມາດກຳໄດ້ບົດຮຽນ, ປະສົບການ ສາມາດນຳໄປຈັດຕັ້ງປະຕິບັດຕົວຈິງ ຢູ່ໃນພະແນກການ, ກົມກອງຂອງຕົນ, ທອ້ງຖິ່ນໃຫ້ຖືກຕ້ອງສອດຄ່ອງ ແລະມີປະສິດທິພາບດີຂຶ້ນ.
ຂ່າວ: ທ່ານ ນາງ ສາຍປະເສີດ ທອງມະນະໄຊ
ບັນນາທິການ: ຄອນສະຫວັນ ແສນຍານຸພາບ