ຊົມເຊີຍຄະນະໜ່ວຍພັກຮາກຖານຊຸດໃໝ່ ນັກສຶກສາ ອະນຸປະລິນຍາ ຮຸ່ນທີ XIX ແລະ ປະລິນຍາໂທ ຮຸ່ນທີ XVI

ວັນທີ 3 ກຸມພາ ໜ່ວຍພັກຮາກຖານນັກສຶກສາ ອະນຸປະລິນຍາ XIX ໄດ້ເປີດກອງປະຊຸມໃຫຍ່ຄັ້ງທີ I ຂຶ້ນ, ໃຫ້ກຽດເປັນປະທານຂອງ ສະຫາຍ ປທ ນ. ໃບຊ່ຽນ ມູນຕີວົງ ຄະນະປະຈຳພັກ, ຫົວໜ້າກົມຈັດຕັ້ງ-ພະນັກງານ ແລະໃນວັນທີ 8 ກຸມພາ ໜ່ວຍພັກຮາກຖານນັກສຶກສາ ປະລິນຍາໂທ ຮຸ່ນທີ XVI ກໍໄດ້ຈັດກອງປະຊຸມໃຫຍ່ຄັ້ງທີ I ຂອງຕົນຂຶ້ນ ພາຍໃຕ້ການເປັນປະທານຂອງ ສະຫາຍ ຮສ ພູວົງ ອຸ່ນຄໍາແສນ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າ ສະຖາບັນການເມືອງ ແລະການປົກຄອງແຫ່ງຊາດ, ມີຜູ້ຕາງໜ້າພະແນກພັກ-ປ້ອງກັນພັກ, ມີຜູ້ຕາງໜ້າຈາກບັນດາໜ່ວຍພັກຮາກຖານອື່ນ ແລະສະມາຊິກພັກພາຍໃນຫ້ອງເຂົ້າຮ່ວມຢ່າງພ້ອມພຽງ.

ໃນພິທີ ເລຂາໜ່ວຍພັກຮາກຖານທັງສອງໜ່ວຍພັກໄດ້ຂຶ້ນຜ່ານບົດສະຫຼຸບລາຍງານການເມືອງ ໄດ້ຕີລາໃຫ້ເຫັນເຖິງຜົນງານແຫ່ງການຊີ້ນຳ-ນຳພາ ຂອງຄະນະພັກ-ຄະນະຫ້ອງ, ດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການຈັດຕັ້ງຄົ້ນຄວ້າຮໍ່າຮຽນ ແລະເຄື່ອນໄຫວວຽກງານປິ່ນອ້ອມຕ່າງໆ ໃນໄລຍະຜ່ານມາ. ກອງປະຊຸມ ໄດ້ເອກະພາບກັນຮັບຮອງເອົາບົດສະຫຼຸບຕີລາຄາຜົນສຳເລັດແຫ່ງການຈັດຕັ້ງປະຕິບັດວຽກງານຮອບດ້ານຂອງຄະນະໜ່ວຍພັກໃນໄລຍະ 04 ເດືອນຂອງ ອະນຸປະລິນຍາ ຮຸ່ນທີ XIX, 3 ເດືອນຂອງ ຄະນະໜ່ວຍພັກປະລິນຍາໂທ ຮຸ່ນທີ XVI ແລະຮັບຮອງເອົາທິດທາງແຜນການໃນຕໍ່ໜ້າ, ກອງປະຊຸມໄດ້ຮັບຟັງບົດສໍາຫຼວດການນຳພາຂອງຄະນະພັກຊຸດເກົ່າ ຊຶ່ງໄດ້ຍົກໃຫ້ເຫັນ ຄວາມຮັບຜິດຊອບໃນການເຄື່ອນໄຫວຊີ້ນໍາ-ນໍາພາຂອງຄະນະໜ່ວຍພັກໃນໄລຍະຜ່ານມາ.

ກອງປະຊຸມໄດ້ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ເພື່ອສືບຕໍ່ຊີ້ນໍາ-ນໍາພາສະມາຊິກພັກໃຫ້ກ້າວຂຶ້ນຢ່າງໜັກແໜ້ນ ແລະມີຜົນສຳເລັດຕາມຈຸດປະສົງທີ່ວາງໄວ້, ຊຶ່ງຜົນການເລືອກຕັ້ງ ແລະຕົກລົງເຫັນດີເປັນເອກະພາບໃນກອງປະຊຸມຄັ້ງປະຖົມມະລືກໄດ້ຕົກລົງດັ່ງນີ້:

– ໜ່ວຍພັກຮາກຖານນັກສຶກສາ ອະນຸປະລິນຍາ XIX