ໃນຕອນເຊົ້າ ຂອງວັນທີ 28 ກໍລະກົດ 2026 ຢູ່ທີ່ສະໂມສອນໂຮງຮຽນການເມືອງ ແລະ ການປົກ ຄອງແຂວງອຸດົມໄຊ ໄດ້ຈັດພິທີປ້ອງກັນບົດຈົບຂັ້ນໃຫ້ນັກສຶກສາທິດສະດີການເມືອງ ຂັ້ນກາງ ຮຸ່ນທີ 7 ຂຶ້ນຢ່າງເປັນທາງການ ໂດຍການເປັນປະທານ ຂອງທ່ານ ຄຳຟອງ ພັດທະມາວົງ ກໍາມະການພັກແຂວງ ເລຂາໜ່ວຍພັກ, ຫົວໜ້າໂຮງຮຽນການເມືອງ ແລະ ການປົກຄອງແຂວງອຸດົມໄຊ, ມີຄະນະອໍານວຍການໂຮງຮຽນ, ພະນັກງານຄູອາຈານ ແລະ ນັກສຶກສາ ເຂົ້າຮ່ວມທັງໝົດ 71 ທ່ານ; ຍິງ 21 ທ່ານ.
ໃນພິທີ ຄະນະຮັບຜິດຊອບໄດ້ຂຶ້ນຜ່ານບົດສະຫຼຸບຫຍໍ້ຂອງຊຸດຮຽນ ແລະຂໍ້ຕົກລົງວ່າດ້ວຍການແຕ່ງຕັ້ງຄະນະກຳມະການ ແລະ ເລຂານຸການຊ່ວຍວຽກປ້ອງກັນບົດຈົບຂັ້ນກາງຮຸ່ນກາງ ຮຸ່ນທີ 7. ຈາກນັ້ນ,ປະທານກອງປະຊຸມໄດ້ມີຄຳເຫັນເນັ້ນໜັກບັນດາຄະນະກຳມະການປະຈຳແຕ່ລະສາຍ, ເລຂານຸການຊ່ວຍວຽກ ແລະນັກສຶກສາທີ່ຈະເຂົ້າປ້ອງກັນບົດ ໃຫ້ມີຄວາມຮັບຜິດຊອບຕໍ່ໜ້າທີ່ຂອງຕົນເອງຢ່າງເຂັ້ມງວດ.
ຂ່າວ/ພາບ: ໂຮງຮຽນການເມືອງ ແລະ ການປົກ ຄອງແຂວງອຸດົມໄຊ
ບັນນາທິການ: ວຽງສະຫວັນ ຈັນທະວິໄຊ