ໜ້າທີ່:
- “ຄົ້ນຄວ້າທິດສະດີມາກ-ເລນິນ, ແນວຄິດໄກສອນ ພົມວິຫານ, ມູນເຊື້ອ ແລະ ປະຫວັດສາດຂອງພັກ, ຂອງຊາດ ເຂົ້າໃນການວາງແນວທາງການເມືອງຂອງພັກ; ຄົ້ນຄວ້າວິທະຍາສາດການເມືອງ ແລະ ການປົກຄອງ, ວິທະຍາສາດການນຳພາ-ຄຸ້ມຄອງ; ສະຫຼຸບສັງລວມບົດຮຽນ ແລະ ພຶດຕິກຳ ໃນການນຳພາຂອງພັກ; ຄົ້ນຄວ້າລົງເລິກຫົວຂໍ້ສະເພາະ, ຝືກອົບຮົມແນວທາງ, ນະໂຍບາຍ, ບັນຫາໃໝ່ກ່ຽວກັບການໝູນໃຊ້ທິດສະດີມາກ-ເລນິນ, ຫົວຂໍ້ສະເພາະຕ່າງໆ ໃຫ້ພະນັກງານການນຳຂັ້ນຍຸດທະສາດ, ການນຳຂັ້ນສູງ, ພະນັກງານນຳພາ-ຄຸ້ມຄອງ ແຕ່ລະໄລຍະ.
- ສ້າງ ແລະ ພັດທະນາຫຼັກສູດທິດສະດີການເມືອງຂັ້ນຕົ້ນ, ຂັ້ນກາງ, ຂັ້ນສູງ ແລະ ນຳສະເໜີສະພາທິດສະດີສູນກາງພັກພິຈາລະນາຮັບຮອງ.
- ສ້າງ ແລະ ພັດທະນາປື້ມແບບຮຽນ, ປື້ມຄູຸມື ແລະ ເອກະສານຕ່າງໆ ຮັບໃຊ້ໃຫ້ແກ່ການຮຽນ-ການສອນທິດສະດີການເມືອງ, ວີຊາສະເພາະການເມືອງ ແລະ ການປົກຄອງຢູ່ໃນລະບົບໂຮງຮຽນພັກ ແລະ ສະຖາບັນການສຶກສາຕ່າງໆ.
- ບຳລຸງພະນັກງານນຳພາ-ຄຸ້ມຄອງຂັ້ນຍຸດທະສາດ ແລະ ການນຳຂັ້ນສູງ ທາງດ້ານທິດສະດີການ ເມືອງ, ລັດທິມາກ-ເລນິນ, ແນວຄິດໄກສອນ ພົມວິຫານ, ມູນເຊື້ອ ແລະ ປະຫວັດສາດຂອງພັກ, ຂອງຊາດ, ທັດສະນະ, ແນວທາງຂອງພັກ, ນະໂຍບາຍ ແລະ ກົດໝາຍຂອງລັດ; ບັນດາທິດສະດີ ແລະ ພຶດຕິກຳທັງພາຍໃນ ແລະ ຕ່າງປະເທດ; ວິທະຍາສາດການເມືອງ ແລະ ການປົກຄອງ, ວິທະຍາສາດການນຳພາ-ຄຸ້ມຄອງ.
- ຍົກລະດັບພະນັກງານນຳພາ-ຄຸ້ມຄອງ, ນາຍທະຫານ ແລະ ນາຍຕຳຫຼວດ ທີ່ມີຕຳແໜ່ງບໍລິຫານປະເພດ 1-5 ທາງດ້ານທິດສະດີການເມືອງ ໃນລະດັບຂັ້ນກາງ, ຂັ້ນສູງ.
- ບຳລຸງທິດສະດີການເມືອງຂັ້ນສູງໃຫ້ຖັນແຖວຄູ-ອາຈານ ທີ່ສິດສອນທິດສະດີການເມືອງ ຢູ່ໃນລະບົບໂຮງຮຽນພັກ ແລະ ສະຖາບັນການສຶກສາຕ່າງໆ.
- ສ້າງ, ພັດທະນາຫຼັກສູດ ແລະ ຈັດຕັ້ງການຮຽນ-ການສອນ ວິຊາສະເພາະການເມືອງ-ການປົກຄອງຊັ້ນປະລິນຍາໂທ, ປະລິນຍາເອກ. ສຳລັບການສ້າງ ແລະ ພັດທະນາຫຼັກສູດ ແມ່ນນຳສະເໜີກະຊວງສຶກສາທິການ ແລະ ກິລາພິຈາລະນາຮັບຮອງ.
- ຊີ້ນຳທາງດ້ານວິຊາການ, ປະສານສົມທົບກັບແຂວງ, ນະຄອນຫຼວງໃນການຄຸ້ມຄອງການຮຽນ -ການສອນ; ຊ່ວຍເຫຼືອສະໜັບສະໜູນ, ສະໜອງຂໍ້ມູນຂ່າວສານໃຫ້ແກ່ລະບົບໂຮງຮຽນພັກ.
- ປະສານສົມທົບກັບພາກສ່ວນຕ່າງໆ ທີ່ກ່ຽວຂ້ອງຮ່ວມກັນດຳເນີນການຍົກລະດັບ, ຝືກອົບຮົມ, ສຳມະນາ ກ່ຽວກັບທິດສະດີພື້ນຖານດ້ານການເມືອງ-ການປົກຄອງ, ທິດສະດີມາກ-ເລນິນ, ແນວຄິດໄກ ສອນ ພົມວິຫານ, ແນວທາງ, ແຜນນະໂຍບາຍຂອງພັກ, ນະໂຍບາຍ, ກົດໝາຍຂອງລັດ ໃຫ້ແກ່ພະນັກງານນຳພາ-ຄຸ້ມຄອງຂອງພັກ-ລັດ ໃນລະບົບການເມືອງ.
- ຈັດຕັ້ງປະຕິບັດວຽກງານຕິດຕາມ, ກວດກາພັກ-ລັດ, ສະກັດກັ້ນ-ຕ້ານການສໍ້ລາດບັງຫຼວງ ແລະ ຄົ້ນຄວ້າແກ້ໄຂຄຳຮ້ອງ, ຄຳສະເໜີໃນຂອບເຂດຄວາມຮັບຜິດຊອບນຳພາ-ຄຸ້ມຄອງ ຂອງສະຖາບັນການເມືອງ ແລະ ການປົກຄອງແຫ່ງຊາດ.
- ນຳພາ-ຄຸ້ມຄອງບໍລິຫານວຽກງານພາຍໃນສະຖາບັນການເມືອງ ແລະ ການປົກຄອງແຫ່ງຊາດ ຄື: ວຽກກໍ່ສ້າງ ແລະ ປັບປຸງພັກ-ພະນັກງານ, ວຽກງານວິຊາສະເພາະ, ການຄຸ້ມຄອງບໍລິຫານຮັບໃຊ້, ການຄຸ້ມຄອງ ແລະ ນຳໃຊ້ງົບປະມານ, ວຽກກໍ່ສ້າງພື້ນຖານວັດຖຸເຕັກນິກ, ການປະຕິບັດນະໂຍບາຍຕ່າງໆ.
- ພົວພັນກັບຕ່າງປະເທດ ໃນຂອບເຂດວຽກງານກໍ່ສ້າງ ແລະ ບຳລຸງຍົກລະດັບພະນັກງານນຳ ພາ-ຄຸ້ມຄອງ ແລະ ວຽກງານຄົ້ນຄວ້າວິທະຍາສາດ, ສະຫຼຸບພຶດຕິກຳໃນຫົວຂໍ້ຕ່າງໆທີ່ມີຄວາມສົນໃຈຮ່ວມກັນ.
- ສະຫຼຸບສັງລວມ, ລາຍງານສະພາບການເຄື່ອນໄຫວວຽກງານຮອບດ້ານ ຂອງສະຖາບັນການ ເມືອງ ແລະ ການປົກຄອງແຫ່ງຊາດ ຕໍ່ກົມການເມືອງສູນກາງພັກ ແລະ ຄະນະເລຂາທິການສູນກາງພັກ ຮັບຊາບຢ່າງເປັນປົກກະຕິ.
- ຄຸ້ມຄອງ, ນຳໃຊ້ງົບປະມານ, ທຶນຊ່ວຍເຫຼືອ ຂອງພາຍໃນ ແລະ ຕ່າງປະເທດ, ຊັບສົມບັດຂອງສະຖາບັນການເມືອງ ແລະ ການປົກຄອງແຫ່ງຊາດ.
- ປະຕິບັດໜ້າທີ່ອື່ນໆ ຕາມການມອບໝາຍ ຂອງກົມການເມືອງສູນກາງພັກ, ຄະນະເລຂາທິ ການສູນກາງພັກ ແລະລັດຖະບານ”.
(ມະຕິຕົກລົງຂອງກົມການເມືອງສູນກາງພັກ ເລກທີ 075/ກມສພ, ລົງວັນທີ 30/07/2019 ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງ ສມປຊ)