ໃນລະຫວ່າງວັນທີ 18-20 ພຶດສະພາ 2026 ທີ່ຜ່ານມາ ຢູ່ໂຮງຮຽນການເມືອງ ແລະ ການປົກຄອງ ແຂວງໄຊຍະບູລີ ໄດ້ເປີດກອງປະຊຸມກວດກາໜ່ວຍພັກໂຮງຮຽນການເມືອງຂຶ້ນ ໂດຍໃຫ້ກຽດເຂົ້າຮ່ວມເປັນປະທານ ຂອງທ່ານ ນາງ ຄຳຜິວ ພັນທະວົງ ກຳມະການປະຈຳພັກແຂງ, ປະທານແນວລາວສ້າງຊາດແຂວງ, ທ່ານ ນາງ ນຸດຈິລາ ພົນຈະເລີນ ກຳມະການພັກແຂວງ ເລຂາໜ່ວຍພັກ ຫົວໜ້າໂຮງຮຽນການເມືອງການປົກຄອງແຂວງ ກໍໃຫ້ກຽດເຂົ້າຮ່ວມເປັນຄະນະປະທານກອງປະຊຸມ, ທ່ານ ບຸດດີ ທໍ ກຳມະການພັກແຂວງ, ເລຂາຊາວໜຸ່ມແຂວງ ກໍໃຫ້ກຽດເຂົ້າຮ່ວມເປັນຄະນະປະທານ;ກອງປະຊຸມໃນຄັ້ງນີ້ ມີບັນດາສະຫາຍທີມງານ ຂອງແຂວງ ຕະຫຼອດຮອດບັນດາສະຫາຍຄະນະໜ່ວຍພັກ, ສະມາຊິກພັກ ພາຍໃນໜ່ວຍພັກໂຮງຮຽນການເມືອງ ແລະ ການປົກຄອງ ແຂວງໄຊຍະບູລີ ກໍໄດ້ເຂົ້າຮ່ວມ.
ໃນກອງປະຊຸມ ທ່ານ ນາງນຸດຈິລາ ພົນຈະເລີນ ກໍໄດ້ຂຶ້ນຜ່ານບົດສະຫຼຸບການກໍ່ສ້າງໜ່ວຍພັກປອດໄສ ເຂັ້ມແຂງ ໜັກແໜ້ນ ປະຈຳປີ 2025 ແລະ ທິດທາງແຜນການ ປະຈຳປີ 2026 ວ່າ: ໜ່ວຍພັກໂຮງຮຽນການເມືອງ ແລະ ການປົກຄອງແຂວງ ເປັນໜ່ວຍພັກຮາກຖານໜຶ່ງທີ່ສັງກັດ ຢູ່ໃນຂົງເຂດການເມືອງພາຍໃຕ້ການນຳພາ-ຊີ້ນຳໂດຍກົງ ຂອງຄະນະປະຈຳພັກແຂວງ ແລະ ຊີ້ນຳທາງດ້ານ ວິຊາສະເພາະຈາກສະຖາບັນການເມືອງ ແລະ ການປົກຄອງແຫ່ງຊາດ ມີພາລະບົດບາດເປັນເສນາທິການໂດຍກົງໃຫ້ແກ່ຄະນະພັກແຂວງ ໃຫ້ການກໍ່ສ້າງ ແລະບຳລຸງທາງດ້ານທິດສະດີການເມືອງໃຫ້ພະນັກງານຫຼັກແຫຼ່ງ ຂອງແຂວງ, ເມືອງ ແລະ ບ້ານ ໃຫ້ມີຄວາມຮູ້ຄວາມເຂົ້າໃຈຕໍ່ພື້ນຖານທິດສະດີມາກ-ເລ ນິນ, ແນວຄິດໄກສອນ ພົມວິຫານ ແລະ ແນວທາງ ແຜນນະໂຍບາຍ, ມະຕິ, ຄຳສັ່ງ, ຂໍ້ກຳນົດ, ກົດລະບຽບພັກ ແລະ ລະບຽບກົດໝາຍ ໃຫ້ປະກົດຜົນເປັນຈິງ, ເຮັດບົດບາດປັບປຸງກໍ່ສ້າງພາຍໃນພັກຕາມກົດລະບຽບພັກ ໃກ້ສິດຕິດແທດມະຫາຊົນເພື່ອສ້າງເປົ້າໝາຍເຂົ້າພັກ, ປະກອບສ່ວນວຽກງານພະນັກງານ ແລະ ປັບປຸງບູລະນະກົງຈັກການຈັດຕັ້ງ ຢູ່ພາຍໃນໜ່ວຍພັກຂອງຕົນ, ຮັບປະກັນເຮັດສຳເລັດໜ້າທີ່ການເມືອງ ກໍຄືວຽກງານວິຊາສະເພາະໃນຂອບເຂດໜ່ວຍພັກຕົນຮັບຜິດຊອບນຳພາ.
ຂອບເຂດການນຳພາ ຂອງໜວ່ຍພັກ ກວມເອົາ 4 ຂະແໜງການ ຄື: ຂະແໜງຈັດຕັ້ງພະນັກງານ ແລະຄຸ້ມຄອງບໍລິຫານ, ຂະແໜງຄຸ້ມຄອງການຮຽນ-ການສອນ, ຂະແໜງວິຊາການ ແລະ ຂະແໜງຂໍ້ມູນຂ່າວສານ. ນຳພາ 2 ອົງການຈັດຕັ້ງມະຫາຊົນ ປະຈຸບັນມີຄະນະໜ່ວຍພັກ 5 ສະຫາຍ, ຍິງ 2 ສະຫາຍ, ມີສະມາຊິກພັກທັງໝົດ 22 ສະຫາຍ, ຍິງ 9 ສະຫາຍ, ມີພະນັກງານລັດຖະກອນທັງໝົດ 23 ສະຫາຍ, ຍິງ 9 ສະຫາຍ.
ຂອບເຂດການນຳພາ ຂອງໜວ່ຍພັກ ກວມເອົາ 4 ຂະແໜງການ ຄື: ຂະແໜງຈັດຕັ້ງພະນັກງານ ແລະຄຸ້ມຄອງບໍລິຫານ, ຂະແໜງຄຸ້ມຄອງການຮຽນ-ການສອນ, ຂະແໜງວິຊາການ ແລະ ຂະແໜງຂໍ້ມູນຂ່າວສານ. ນຳພາ 2 ອົງການຈັດຕັ້ງມະຫາຊົນ ປະຈຸບັນມີຄະນະໜ່ວຍພັກ 5 ສະຫາຍ, ຍິງ 2 ສະຫາຍ, ມີສະມາຊິກພັກທັງໝົດ 22 ສະຫາຍ, ຍິງ 9 ສະຫາຍ, ມີພະນັກງານລັດຖະກອນທັງໝົດ 23 ສະຫາຍ, ຍິງ 9 ສະຫາຍ.
ຕີລາຄາການກໍ່ສ້າງໜ່ວຍພັກ ຕາມ 5 ເນື້ອໃນ ຄື: ນໍາພາດ້ານການເມືອງ ສາມາດບັນລຸໄດ້ 9 ຄະແນນ; ນໍາພາດ້ານແນວຄິດ ສາມາດບັນລຸໄດ້ 9 ຄະແນນ; ນຳພາດ້ານການຈັດຕັ້ງປະຕິບັດກົດລະບຽບຂອງພັກ ສາມາດບັນລຸໄດ້ 9 ຄະແນນ; ດ້ານແບບແຜນນຳພາ ແລະ ວິທີເຮັດວຽກ ສາມາດບັນລຸໄດ້ 9 ຄະແນນ; ນຳພາປະຕິບັດໜ້າທີ່ການເມືອງ ສາມາດ ບັນລຸໄດ້ 9 ຄະແນນ. ໃນຕອນທ້າຍ ຂອງກອງປະຊຸມ ທ່ານປະທານກໍໄດ້ມີຄຳເຫັນໂອລົມຕໍ່ໜ່ວຍພັກວ່າ: ຜ່ານການຕິດຕາມຮັບຟັງການລາຍງານການສະຫຼຸບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ທິດທາງແຜນການ ຂອງພວກສະຫາຍ ຂ້າພະເຈົ້າມີຄວາມພາກພູມໃຈເປັນຢ່າງຍິ່ງຕໍ່ຜົນສຳເລັດໃນການນຳພາ-ຊີ້ນຳ ຂອງຄະນະໜ່ວຍພັກ ແລະ ທິດທາງແຜນການສູ້ຊົນ ເພື່ອສືບຕໍ່ຮັກສາມູນເຊື້ອໜ່ວຍພັກປອດໃສ ເຂັ້ມແຂງ ໜັກແໜ້ນ ໃນກອງປະຊຸມປະເມີນຄັ້ງຕໍ່ໄປ, ພ້ອມນັ້ນ ກໍເປັນການປະກອບສ່ວນເຮັດໃຫ້ການພັດທະນາເສດຖະກິດ-ສັງຄົມ ຂອງແຂວງ ມີການຂະຫຍາຍຕົວຢ່າງຕໍ່ເນື່ອງ, ວຽກງານສຶກສາອົບຮົມການເມືອງ-ແນວຄິດ ພວກສະຫາຍກໍໄດ້ເອົາໃຈໃສ່ຢ່າງຕັ້ງໜ້າໃນການຄົ້ນຄວ້າເຊື້ອມຊຶມ, ກຳແໜ້ນບັນດາກົດໝາຍ, ນິຕິກຳຕ່າງໆ ເພື່ອນຳມາເຜີຍແຜ່ເຊື່ອມຊຶມ ໃຫ້ສະມາຊິກພັກ, ພະນັກງານ-ລັດຖະກອນ ແລະ ຫຼາຍສະຫາຍ ກໍໄດ້ເຂົ້າຮ່ວມຮ່ຳຮຽນນຳຂະບວນການຈາກຮາກຖານ ກໍຄືຂະບວນການລວມ ຂອງແຂວງ ເຊິ່ງເຫັນໄດ້ສະມາຊິກພັກ ພະນັກງານຈຳນວນຫຼາຍ ແມ່ນຍັງຮັກສາໄດ້ຄຸນທາດການເມືອງໜັກແໜ້ນ, ຜ່ານການກວດກາຕີລາຄາແບ່ງປະເພດສະມາຊິກພັກ ໄດ້ປະເພດແຂງ 23 ສະຫາຍ, ຍິງ 9 ສະຫາຍ ເທົ່າກັບ 100%.
ຂ່າວ/ພາບ: ປຕ ວັດທະນາ ພັນລັກ
ບັນນາທິການ: ປທ ວຽງສະຫວັນ ຈັນທະວິໄຊ