ຄົ້ນຫາ
ດາວໂຫລດເອກະສານ
ເວັບໄຊ ພາກສ່ວນລັດຖະບານ
ລາຍການບົດວິທະຍານິພົນ
ຕາຕະລາຮຽນ
ການນຳໃຊ້ພາສາລາວ
ສູນຄົ້ນຄວ້າແນວຄິດໄກສອນ ພົມວິຫານ ຜັນຂະຫຍາຍມະຕິກົມການເມືອງສູນກາງພັກ
ໃນຕອນເຊົ້າຂອງວັນທີ 09 ຕຸລາ 2019 ສູນຄົ້ນຄວ້າແນວຄິດ ໄກສອນ ພົມວິຫານໄດ້ເປີດກອງປະຊຸມຂຶ້ນ ຢູ່ທີ່ສະໂມສອນຂອງຄະນະໂຄສະນາອົບຮົມສູນກາງພັກ ໂດຍພາຍໃຕ້ການເປັນ ປະທານຂອງ ທ່ານ ສຈ. ປອ. ກິແກ້ວ ໄຂຄໍາພິທູນ, ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາວິທະຍາສາດສັງຄົມແຫ່ງຊາດ, ຫົວໜ້າຄະນະຮັບຜິດຊອບການຄົ້ນຄວ້າ ແນວຄິດ ໄກສອນ ພົມວິຫານ, ມີທ່ານ ຮສ ປອ ທອງສະລິດ ມັງໜໍ່ເມກ ກໍາມະການສູນກາງພັກ, ເລຂາຄະບໍລິຫານງານພັກ, ຫົວໜ້າສະຖາບັນການເມືອງແລະການປົກຄອງແຫ່ງຊາດ, ຮອງປະທານສະພາທິດສະດີສູນກາງພັກ, ທັງເປັນຮອງຫົວໜ້າຄະນະຮັບຜິດຊອບຄົ້ນຄວ້າແນວຄິດ ໄກສອນ ພົມວິຫານ; ໃຫ້ກຽດເຂົ້າຮ່ວມ ຂອງທ່ານ ສົມສະຫວາດ ເລັ່ງສະຫວັດ, ອາດີດກໍາມະການກົມການເມືອງສູນກາງພັກ, ທີ່ປຶກສາຄະນະບໍລິຫານງານສູນກາງພັກສະໄຫມທີ X, ຜູ້ຊີ້ນໍາວຽກງານຄົ້ນຄວ້າແນວຄິດ ໄກສອນ ພົມວິຫານ; ນອກນີ້ຍັງມີບັນດາສະຫາຍຮອງເລຂາຄະນະບໍລິຫານງານພັກແຕ່ລະກະຊວງ, ອົງການ, ກົມ, ກອງ, ຫ້ອງການ, ຂັ້ນສູນກາງ ແລະ ທ້ອງຖິ່ນຄື: ແຂວງວຽງຈັນ ແລະ ບໍລິຄໍາໄຊ ເຂົ້າຮ່ວມລວມທັງຫມົດ 200 ກວ່າທ່ານ.
ສຳເລັດການຝຶກອົບຮົມ ໃຫ້ແກ່ພະນັກງານນຳພາ ແລະ ຄຸ້ມຄອງ ຢູ່ສະຖາບັນການເມືອງ ແລະ ການປົກຄອງແຫ່ງຊາດ
ຄະນະພັກ, ຄະນະອໍານວຍການ ສມປຊ ເຫັນໄດ້ຄວາມສຳຄັນຂອງການຍົກລະດັບວຄວາມສາມາດໃຫ້ແກ່ພະນັກງານນຳພາ-ຄຸ້ມຄອງ ເຊິ່ງຈະປະກອບສ່ວນສໍາຄັນໃນການນໍາພາຈັດຕັ້ງປະຕິບັດວຽກງານ ໃຫ້ໄດ້ຮັບຜົນດີ. ດັ່ງນັ້ນ, ຈຶ່ງໄດ້ໄດ້ເປີດຊຸດຝຶກອົບຮົມໃຫ້ແກ່ເປົ້າໝາຍດັ່ງກ່າວຂຶ້ນຕັ້ງແຕ່ວັນທີ ວັນທີ 30 ກັນຍາ ທີ່ຜ່ານມາ ເປັນເວລາ 4 ວັນ. ພາຍໃຕ້ການເປັນປະທານຂອງ ທ່ານ ຮສ ປອ ທອງສະລິດ ມັງໜໍ່ເມກ ກໍາມະການສູນກາງພັກ, ສະມາຊິກສະພາແຫ່ງຊາດຊຸດທີ VIII, ເລຂາຄະນະບໍລິຫານງານພັກ, ຫົວໜ້າ ສະຖາບັນການເມືອງ ແລະ ການປົກຄອງແຫ່ງຊາດ ໂດຍມີພະນັກງານນໍາພາ-ຄຸ້ມຄອງຂັ້ນຮອງພະແນກຂຶ້ນໄປເຂົ້າຮ່ວມທັງໝົດ 65 ຄົນ, ຍິງ 22 ຄົນ, ໃນນັ້ນມີພະນັກງານຂັ້ນກົມ 31 ຄົນ, ຍິງ 08 ຄົນ ແລະ ພະນັກງານຂັ້ນພະແນກ 35 ຄົນ, ຍິງ 15 ຄົນ.
ສະຖາບັນການເມືອງ ແລະ ການປົກຄອງແຫ່ງຊາດ ສະເຫຼີມສະຫຼອງວັນຄູແຫ່ງຊາດ ຄົບຮອບ 25 ປີ
ສະຖາບັນການເມືອງ-ການປົກຄອງແຫ່ງຊາດ ຈັດພິທີສະເຫຼີມສະຫຼອງວັນຄູແຫ່ງຊາດ ຄົບຮອບ 25 ປີ (7.10.1994-7.10.2019) ພ້ອມທັງກ່າວເປີດສົກຮຽນໃໝ່ ປະຈຳສົກຮຽນ 2019-2020 ຂຶ້ນໃນວັນທີ 4 ຕຸລາທີ່ຜ່ານມາ, ໂດຍການເປັນປະທານຂອງ ທ່ານ ຮສ ປອ ທອງສະລິດ ມັງໜໍ່ເມກ ກຳມະການສູນກາງພັກ, ສະມາຊິກສະພາແຫ່ງຊາດຊຸດທີ VIII, ເລຂາຄະນະບໍລິຫານງານພັກ, ຫົວໜ້າສະຖາບັນການເມືອງ-ການປົກຄອງແຫ່ງຊາດ, ໂດຍມີບັນດາ ພະນັກງານ, ຄູ-ອາຈານ ພ້ອມດ້ວຍນັກສຶກສາເຂົ້າຮ່ວມຢ່າງພ້ອມພຽງ.
ສະຖາບັນການເມືອງ ແລະ ການປົກຄອງແຫ່ງຊາດ ປະກາດການຈັດຕັ້ງຂອງພະນັກງານ
ພິທີປະກາດການຈັດຕັ້ງ ແລະ ຍົກຍ້າຍຂອງພະນັກງານ, ຄູ-ອາຈານ ພາຍໃນ ສມປຊ ໄດ້ມີຂຶ້ນໃນຕອນບ່າຍວັນທີ 30 ກັນຍາ ທີ່ຫ້ອງປະຊຸມຊັ້ນ 5 (ຕຶກສູນຂໍ້ມູນຂ່າວສານ) ໂດຍການເປັນປະທານຂອງ ທ່ານ ຮສ ປອ ທອງສະລິດ ມັງໜໍ່ເມກ ກຳມະການສູນກາງພັກ, ສະມາຊິກສະພາແຫ່ງຊາດ ຊຸດທີ VIII, ເລຂາຄະນະບໍລິຫານງານພັກ, ຫົວໜ້າ ສມປຊພ້ອມດ້ວຍຄະນະ, ເຂົ້າຮ່ວມມີພະນັກງານຂັ້ນກົມ, ຂັ້ນພະແນກຢ່າງພ້ອມພຽງ.