ຄົ້ນຫາ
ດາວໂຫລດເອກະສານ
ເວັບໄຊ ພາກສ່ວນລັດຖະບານ
ລາຍການບົດວິທະຍານິພົນ
ຕາຕະລາຮຽນ
ການນຳໃຊ້ພາສາລາວ
ຄະນະຜູ້ແທນ ສະຖາບັນການເມືອງແຫ່ງຊາດ ໂຮ່ຈີມິນ ສສ ຫວຽດນາມ ພົບປະຢ້ຽມຢາມ ສະຖາບັນການເມືອງ ແລະ ການປົກຄອງແຫ່ງຊາດ
ເພື່ອເປັນການເສີມສ້າງຄວາມສາມັກຄີພິເສດ, ການຮ່ວມມືຮອບດ້ານ ລະຫວ່າງ ສອງຊາດພວກເຮົາ ເວົ້າລວມ, ເວົ້າສະເພາະ ລະຫວ່າງສອງສະຖາບັນ ໃຫ້ ນັບມື້ນັບເຂົ້າສູ່ລວງເລິກ ແລະ ເກີດດອກອອກຜົນຢ່າງບໍ່ຢຸດຢັ້ງ. ໃນຕອນເຊົ້າຂອງວັນທີ 17 ທັນວາ ຢູ່ທີ່ ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຕ້ອນຮັບຄະນະຜູ້ແທນ ສະຖາບັນການເມືອງແຫ່ງຊາດ ໂຮ່ຈີມິນ ສສ ຫວຽດນາມ, ເຊິ່ງລວມມີ ຄະນະຜູ້ແທນຈາກສະຖາບັນການເມືອງເຂດ II ແລະເຂດ III ຈຳນວນ 17 ທ່ານ, ຍິງ 05 ທ່ານ ເຊິ່ງນຳພາຄະນະໂດຍ ທ່ານ ຮສ ປອ ຮວ່າງ ວັນ ເຫງັຍ ຫົວໜ້າກົມພົວພັນສາກົນ ສະຖາບັນການເມືອງ ໂຮ່ຈີມິນ.
ຄະນະນັກສຶກສາແຂວງຈຳປາສັກ ເລືອກຕັ້ງຄະນະຊຸດໃໝ່
ໃນແຕ່ລະປີສະຖາບັນການເມືອງ ແລະການປົກຄອງແຫ່ງຊາດ ມີນັກສຶກສາທົ່ວປະເທດມາສຶກສາຮ່ຳ ຮຽນ ໃນນັ້ນເພື່ອເຕົ້າໂຮມຄວາມສາມັກຄີພາຍໃນແຂວງໃຫ້ເປັນປຶກແຜ່ນແລະເປັນການຊ່ວຍເຫຼືອເບິ່ງແຍງເຊິ່ງກັນ ແລະກັນໃນເວລາຂັດສົນ ແຕ່ລະແຂວງຍັງມີການຈັດຕັ້ງເປັນສະມາຄົມຂອງແຂວງຂຶ້ນ; ແຂວງຈຳປາສັກ ກໍແມ່ນແຂວງໜຶ່ງທີ່ມີການຈັດຕັ້ງສະມາຄົມ ແລະມີການຈັດຕັ້ງຄະນະນັກສຶກສາແຂວງຂຶ້ນ ເພື່ອເຮັດໜ້າທີ່ໃນການຊີ້ນຳ-ນຳພາເຄື່ອນໄຫວວຽກງານຕ່າງໆຕະຫຼອດໄລຍະເວລາທີ່ສຶກສາຄົ້ນຄວ້າພາຍໃນ ສມປຊ. ສະນັ້ນ, ໃນວັນທີ 11 ທັນວາ 2018 ຜ່ານມາ ທີ່ ສມປຊ ຄະນະນັກສຶກສາແຂວງຈໍາປາສັກໄດ້ຈັດກອງປະຊຸມ ເພື່ອສະຫຼຸບຜົນຂອງການຈັດຕັ້ງປະຕິບັດວຽກງານປະຈຳປີ 2018 ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ປທ ອຸບົນ ມະຫາໄຊ ຄະນະບໍລິຫານງານພັກ, ຮອງຫົວໜ້າ ສມປຊ ທັງເປັນຜູ້ຊີ້ນຳວຽກງານຄະນະນັກສຶກສາແຂວງຈຳປາສັກ, ມີສະມາຊິກພາຍໃນສະມາຄົມທັງໝົດນັກສຶກສາຈຳນວນ 27 ທ່ານ, ຍິງ 5 ທ່ານເຂົ້າຮ່ວມ.
ໜ່ວຍພັກຮາກຖານ ກົມວິິຊາການ-ກົມຄຸ້ມຄອງການຄົ້ນຄວ້າວິທະຍາສາດ ຮັບສະມາຊິກພັກໃໝ່ 4 ສະຫາຍ
ພິທີຄັ້ງນີ້ໄດ້ຈັດຂຶ້ນໃນວັນທີ 14 ທັນວາ ໃຫ້ກຽດຮ່ວມເປັນປະທານໂດຍ ສະຫາຍ ສຈ ປອ ບຸນທີ ເຄືອມີໄຊ ຄະນະບໍລິຫານງານພັກ, ເລຂາໜ່ວຍພັກຮາກຖານກົມວິຊາການ-ກົມຄຸ້ມຄອງການຄົ້ນຄວ້າວິທະຍາສາດ, ມີການເຂົ້າຮ່ວມຂອງບັນດາຜູ້ຕາງໜ້າແຕ່ລະໜ່ວຍພັກຮາກຖານພາຍໃນ ສມປຊ ແລະຕາງໜ້າຈາກ 3 ອົງການຈັດຕັ້ງມະຫາຊົນ.
ຄະນະຜູ້ແທນການນໍາ ສະຖາບັນການເມືອງ ແລະ ການປົກຄອງແຫ່ງຊາດ ສຳເລັດການຢ້ຽມຢາມ ແລະເຮັດວຽກຢູ່ໂຮງຮຽນພັກສູນກາງພັກກອມມູນິດຈີນ.
ໂດຍຕອບສະໜອງຕາມການເຊື້ອເຊີນຂອງໂຮງຮຽນພັກສູນກາງພັກກອມມູນິດຈີນ, ສະຫາຍ ຮສ. ພູວົງ ອຸ່ນຄໍາແສນ ຮອງເລຂາຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະການປົກຄອງແຫ່ງຊາດ ພ້ອມດ້ວຍຄະນະຈຳນວນ 06 ທ່ານ ໄດ້ເດີນທາງໄປຢ້ຽມຢາມ ແລະເຮັດວຽກ ຢູ່ໂຮງຮຽນພັກສູນກາງພັກກອມມູນິດຈີນ ຢ່າງເປັນທາງການ ນັບແຕ່ວັນທີ 04-08 ທັນວາ 2018 ຜ່ານມາ. ເຊິ່ງໄດ້ຮັບການຕ້ອນຮັບຢ່າງອົບອຸ່ນ ແລະຈິງໃຈ ຈາກຄະນະພັກ, ຄະນະນຳຂອງໂຮງຮຽນພັກສູນກາງພັກກອມມູນິດຈີນ ນຳໂດຍສະຫາຍ ເສີນ ລີ້ ຄະນະບໍລິຫານງານພັກ, ຮອງໂຮງຮຽນພັກສູນກາງພັກກອມມູນິດຈີນ ພ້ອມດ້ວຍພະນັກງານຫຼັກແຫຼ່ງຂອງໂຮງຮຽນ.