ຊາວໜຸ່ມ ທັງ 4 ຮາກຖານ ຂອງສະຖາບັນການເມືອງ ແລະ ການປົກຄອງແຫ່ງຊາດ ສຳເລັດກອງປະຊຸມໃຫຍ່ ພ້ອມທັງເລືອກຕັ້ງຄະນະຊຸດໃໝ່

ໃນລະຫວ່າງວັນທີ 14-16 ພຶດສະພາ 2019 ຄະນະບໍລິຫານງານຊາວໜຸ່ມ ສມປຊ ໄດ້ໃຫ້ກຽດເປັນປະທານກອງປະຊຸມໃຫຍ່ຂອງທັງ 4 ຮາກຖານ, ທັງນີ້ກໍເພື່ອເປັນການສະຫຸຼບຜົນງານການເຄື່ອນໄຫວໃນໄລຍະຜ່ານມາ, ພ້ອມທັງເລືອກຕັ້ງຄະນະບໍລິຫານງານຊຸດໃໝ່ ຂອງແຕ່ລະຮາກຖານ, ຄຽງຄູ່ກັນນັ້ນ ກໍຍ້ອນຄວາມເຕີບໃຫຍ່ເຂັ້ມແຂງຂອງຈຳນວນສະມາຊິກບາງຮາກຖານມີການເພີ່ມຂຶ້ນ ດັ່ງນັ້ນບາງຮາກຖານຈຶ່ງຕ້ອງໄດ້ ແຍກອອກເປັນຮາກຖານໃໝ່, ເຂົ້າຮ່ວມໃນກອງປະຊຸມມີບັນດາຕາງໜ້າຄະນະຊາວໜຸ່ມຮາກຖານພາຍໃນ ສມປຊ ແລະ ຕາງໜ້າໜ່ວຍພັກຮາກຖານ.

 ໃນລະຫວ່າງທີ່ປະຊຸມ ຄະນະບໍລິຫານງານຊາວໜຸ່ມທັງ 4 ຮາກຖານ ໄດ້ຂຶ້ນຜ່ານບົດລາຍງານການເມືອງການເຄື່ອນ ໄຫວໃນແຕ່ລະໄລຍະຂອງສະໄໝ ເຊິ່ງໃນບົດລາຍງານການເມືອງໄດ້ຍົກໃຫ້ເຫັນຈຸດດີ, ຜົນງານທີ່ພົ້ນເດັ່ນ ແລະ ຈຸດອ່ອນ-ຂໍ້ຂົງຄ້າງ ເພື່ອຊອກຫາວິທີແກ້ໄຂໃນຕໍ່ໜ້າ ໂດຍສະເພາະກໍແມ່ນວຽກງານການເມືອງແນວຄິດ, ວຽກງານການຂຶ້ນຫ້ອງສິດສອນ, ການຄົ້ນຄວ້າວິທະຍາສາດ ແລະ ການເຄື່ອນໄຫວສ້າງຂະບວນການຕ່າງໆ. ພ້ອມກັນນັ້ນ, ກໍໄດ້ວາງທິດທາງແລະ ແຜນການໃນການເຄື່ອນໄຫວ ໄລຍະ 3 ປີຕໍ່ໜ້າອີກດ້ວຍ.

ຫຼັງຈາກໄດ້ຮັບຟັງການຜ່ານບົດລາຍງານແລ້ວ ກອງປະຊຸມກໍ່ໄດ້ດຳເນີນການຜ່ານມາດຖານ ແລະເງື່ອນໄຂຂອງຜູ້ສະໝັກເລືອກຕັ້ງເອົາຄະນະບໍລິກຫານງານຊາວໜຸ່ມ ຊຸດໃໝ່ ຈາກນັ້ນໄດ້ຈັດຕັ້ງການປ່ອນບັດຄັດເລືອກເອົາຈາກຜູ້ລົງສະໝັກທັງໝົດ 5 ສະຫາຍ ຄັດເລືອກເອົາພຽງແຕ່ 3 ສະຫາຍ. ເຊິ່ງຜົນຂອງການເລືອກຕັ້ງ ແລະ ຜ່ານກອງປະຊຸມປະຖົມມະລຶກໄດ້ຕົກລົງເຫັນດີຮັບຮອງເອົາຄະນະຊຸດໃໝ່ເຊິ່ງມີລາຍລະອຽດຄື:

   ຄະນະບໍລິຫານງານຊາວໜຸ່ມ ຮາກຖານ ຫ້ອງການ

1.  ສະຫາຍ  ເຊັ່ງ ຢາງ           ເປັນເລຂາ.

2.  ສະຫາຍ ນ. ລຳທຽນ ຄຸນພິລາວັນ ຮອງເລຂາ ແລະ ຮັບຜິດຊອບວຽກງານກວດກາ.

3.  ສະຫາຍ ໄມພັນ ບຸນລັດ        ເປັນຄະນະ.

   ຄະນະບໍລິຫານງານຊາວໜຸ່ມ ຮາກຖານ ກົມຈັດຕັ້ງ-ພະນັກງານ

1.  ສະຫາຍ ຄຳໝັ້ນ ພົມມະຈັນ             ເປັນເລຂາ.

2.  ສະຫາຍ ນ. ນາດຕະຍາ ແກ້ວຄູນນະລາດ  ຮອງເລຂາ.

3.  ສະຫາຍ ທອງດຳ ທຳມະວົງ            ເປັນຄະນະ ແລະ ຮັບຜິດຊອບວຽກງານກວດກາ.

ຄະນະບໍລິຫານງານຊາວໜຸ່ມ ຮາກຖານ ຄະນະວິຊາ ປັດຊະຍາ-ຄະນະວິຊາ ກໍ່ສ້າງພັກ ແລະ ປະຫວັດສາດພັກ

1.  ສະຫາຍ ນ. ນົກສະຫວັນ ພົມມະຫານ  ເປັນເລຂາ.

2.  ສະຫາຍ ບຸນທະວີ ລັດຕະນະເມທີ     ຮອງເລຂາ ແລະ ແລະ ຮັບຜິດຊອບວຽກງານກວດກາ.

3.  ສະຫາຍ ສຸກສະຫວັນ ດວງສະຫງ່າ    ເປັນຄະນະ.

ຄະນະບໍລິຫານງານຊາວໜຸ່ມ ຮາກຖານ ຄະນະວິຊາ ເສດຖະສາດການເມືອງ ແລະ ຄຸ້ມຄອງເສດຖະກິດ-ຄະນະວິຊາ ລັດທິສັງຄົມນິຍົມວິທະຍາສາດ

1.  ສະຫາຍ ປອ ນ. ດາວອນ ບຸດທະນຸວົງ ເປັນເລຂາ.

2.  ສະຫາຍ ນ. ມະນີຈັນ ສຸວັນນະພົງ    ຮອງເລຂາ

3.  ສະຫາຍ ປທ ນ. ຄຳຕັນ ທຳມະວົງ   ເປັນຄະນະ ແລະ ຮັບຜິດຊອບວຽກງານກວດກາ.

ຄະນະບໍລິຫານງານຊາວໜຸ່ມ ຮາກຖານ ຄະນະວິຊາ ບໍລິຫານສາດ

1.  ສະຫາຍ ປທ ສັນຍາລັກ ແກ້ວຄຳຮຸ່ງ      ເປັນເລຂາ.

2.  ສະຫາຍ ນ. ພຸດສະດາພອນ ພິມມະວົງສາ  ຮອງເລຂາ ແລະ ແລະ ຮັບຜິດຊອບວຽກງານກວດກາ.

3.  ສະຫາຍ ປທ ນ. ຈັນທະລາ ພົມມະຈັກ    ເປັນຄະນະ.

    ຄະນະບໍລິຫານງານຊາວໜຸ່ມ ຮາກຖານ ສູນຂໍ້ມູນຂ່າວສານ ການເມືອງ-ການປົກຄອງ

1.  ສະຫາຍ ປທ ສະໜຸກສິນ ໂກສີພັນ  ເປັນເລຂາ.

2.  ສະຫາຍ ຄຳເສັງ ສີນະວົງພອນ     ຮອງເລຂາ ແລະ ແລະ ຮັບຜິດຊອບວຽກງານກວດກາ.

3.  ສະຫາຍ ວາດສະໜາ ກິນອາພອນ  ເປັນຄະນະ.

    ຄະນະບໍລິຫານງານຊາວໜຸ່ມ ຮາກຖານ ກົມວິຊາການ-ກົມຄຸ້ມຄອງການຄົ້ນຄວ້າວິທະຍາສາດ

1.  ສະຫາຍ ນ. ຍຸຍທອງ ສົມແພງພັນ   ເປັນເລຂາ.

2.  ສະຫາຍ ປທ ສິນທອນ ແກ້ວຄຳແພງ ຮອງເລຂາ ແລະ ແລະ ຮັບຜິດຊອບວຽກງານກວດກາ.

3.  ສະຫາຍ ໜູແກ້ວ ດີລາວົງ         ເປັນຄະນະ.

ຫຼັງຈາກສຳເລັດການເລືອກຕັ້ງ ແລະ ຕົກລົງເຫັນດີໃນທີ່ປະຊຸມມະຖົມມະລຶກ, ຄະນະບໍລິຫານງານຊາວໜຸ່ມ ສມປຊ (ປະທານກອງປະຊຸມ) ກໍໄດ້ໂອ້ລົມກ່າວຄຳຍ້ອງຍໍຊົມເຊີຍເຖິງຜົນສຳເລັດຫຼາຍໆດ້ານຂອງຊາວໜຸ່ມທັງ 4 ຮາກຖານ ທີ່ຍາດມາໄດ້ໃນໄລຍະຜ່ານມາ, ພ້ອມນັ້ນທ່ານຍັງໄດ້ເໜັ້ນໜັກໃຫ້ຄະນະບໍລິຫານງານຊາວໜຸ່ມຊຸດໃໝ່ ພ້ອມດ້ວຍສະມາຊິກທຸກສະຫາຍ ຈົ່ງເອົາໃຈໃສ່ຕໍ່ກັບວຽກງານອົງການຈັດຕັ້ງພາຍໃນຂອງຕົນເອງໃຫ້ເຂັ້ມແຂງເປັນຕົ້ນແມ່ນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຄື: ບຸກທາງດ້ານແນວຄິດ, ບຸກທາງດ້ານການສຶກສາຮ່ຳຮຽນ, ບຸກທາງດ້ານອົງການຈັດຕັ້ງ ແລະ ບຸກທາງດ້ານວິຊາອາຊີບສ້າງວຽກເຮັດງານທຳ, ຊາວໜຸ່ມຈົ່ງພ້ອມກັນດຸໝັ່ນເຂັ້ມແຂງໃນທຸກຂະບວນການບໍ່ວ່າຈະເປັນວຽກງານປັບປຸງການຈັດຕັ້ງ, ວຽກງານ ການພັດທະນາເສດຖະກິດ–ສັງຄົມ ກໍຄືການຈັດຕັ້ງປະຕິບັດໜ້າທີ່ວຽກງານຂອງຊາວໜຸ່ມຕາມພາລະບົດບາດ, ສິດ ແລະ ໜ້າທີ່ທີ່ພັກ-ລັດ ມອບໝາຍໃຫ້ປະສົບຜົນສຳເລັດ.

 

ບັນນາທິການ: ທ່ານ ປທ ນ. ອາພອນ ຂາວພັນ

ຂ່າວ/ພາບ: ທ່ານ ຕາອັອດ ແສນທະວີສຸກ