ສມປຊ ຈັດຕັ້ງຂະບວນການຍ່າງເພື່ອສຸຂະພາບ ຕ້ອນຮັບວັນກຳມະກອນສາກົນ 1 ພຶດສະພາ ຄົບຮອບ 133 ປີ

ເນື່ອງໃນໂອກາດວັນສ້າງຕັ້ງກຳມະກອນສາກົນ ພຶດສະພາ ຄົບຮອບ 133 ປີ (01/05/1886-01/05/2019), ສະນັ້ນ ໃນຕອນເຊົ້າ ເວລາ ໂມງ ຂອງວັນທີ 30 ເມສາ ທີ່ສະຖາບັນການເມືອງ ແລະ ການປົກຄອງແຫ່ງຊາດ ໄດ້ຈັດຕັ້ງການຍ່າງເພື່ອສຸຂະພາບເພື່ອຕ້ອນຮັບວັນສຳຄັນດັ່ງກ່າວຂຶ້ນ,  ໃຫ້ກຽດເຂົ້າຮ່ວມໃນພິທີທີ່ມີຄວາມໝາຍນີ້ ຂອງ ທ່ານ ຮສ ປອ ທອງສະລິດ ມັງໜໍ່ເມກ ກຳມະການສູນກາງພັກ, ສະມາຊິກສະພາແຫ່ງຊາດຊຸດທີ 8, ເລຂາຄະນະບໍລິຫານງານພັກຫົວໜ້າ ສະຖາບັນການເມືອງ ແລະ ການປົກຄອງແຫ່ງຊາດລວມໄປເຖິງບັນດາພະນັກງານຄູ-ອາຈານ ແລະ ນັກສຶກສາເຂົ້າຮ່ວມຢ່າງພ້ອມພຽງປະມານ 200 ກວ່າຄົນ.

 

ເຊິ່ງກ່ອນທີ່ຈະເລີ່ມຂະບວນການຍ່າງ ພາຍໃນພິທີກໍໄດ້ຮັບຟັງການເລົ່າປະຫວັດຄວາມເປັນມາ, ຄວາມສຳຄັນ ແລະ ສາເຫດ ຂອງການສະເຫຼີມສະຫຼອງວັນສຳຄັນວັນທີ ພຶດສະພາ ຈາກ ທ່ານ ສຈ ປອ ບຸນທີ ເຄືອມີໄຊ ຄະນະບໍລິຫານງານພັກ, ຫົວໜ້າກົມຄຸ້ມຄອງການຄົ້ນຄວ້າວິທະຍາສາດ ຜູ້ຊີ້ນຳວຽກງານອົງການຈັດຕັ້ງມະຫາຊົນ ໃຫ້ກຽດຂຶ້ນເລົ່າເຖິງປະຫວັດສາດຄວາມເປັນມາຄວາມໝາຍຄວາມສຳຄັນຂອງວັນ ກຳມະກອນສາກົນ ລວມໄປເຖິງການເຕີບໃຫຍ່ຂະຍາຍຕົວຂອງຊົນຊັ້ນກຳມະກອນທົ່ວໂລກ ແລະ ມູນເຊື້ື້ອທາດແທ້ ແລະ ຜົນງານການເຄື່ອນໄຫວຂອງຊົນຊັ້ນກຳມະກອນລາວ ໃນການປະກອບສ່ວນເຂົ້າ ໃນພາລະກິດປະຕິວັດຕໍ່ສູ້ປົດປ່ອຍຊາດ ກໍຄືການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ມີຄວາມຈະເລີນກ້າວໜ້າຕະຫຼອດໄລຍະທີ່ຜ່ານມາ.

ເຊິ່ງໄລຍະທາງຂອງການຍ່າງເພື່ອສຸຂະພາບນີ້ ແມ່ນຍ່າງຕາມເສັ້ນທາງເບຕົງ ພາຍໃນສະຖາບັນລວມ 3 ຮອບ ເປັນໄລຍະກວ່າ 3 ກິໂລແມັດ.

ບັນນາທິການ: ທ່ານ ປທ ນ. ອາພອນ ຂາວພັນ

ຂ່າວ/ພາບ: ທ່ານ ຕາອັອດ ແສນທະວີສຸກ