ບັ້ນປະຖົມນິເທດ ນັກສຶກສາ ຊັ້ນສູງ ລະບົບເລັ່ງລັດ 5 ເດືອນ ຮຸ່ນທີ XXIV

ສະຖາບັນການເມືອງ ແລະ ການປົກຄອງແຫ່ງຊາດ ໄດ້ເປີດບັ້ນປະຖົມນິເທດ ແກ່ນັກສຶກສາຊັ້ນສູງ ລະບົບເລັ່ງລັດ 5 ເດືອນ ຮຸ່ນທີ XXIV ຈຳນວນ 53 ທ່ານຍິງ 10 ທ່ານ ຂຶ້ນໃນວັນທີ 22 ກຸມພາ 2019 ທີ່ຜ່ານມາ, ເຊິ່ງໄດ້ປະຖົມນິເທດກ່ຽວກັບ 4 ວຽກງານໃຫຍ່. ໂດຍແມ່ນຜູ້ຕາງໜ້າ ໃຫ້ແກ່ແຕ່ລະຂະແໜງການທີ່ກ່ຽວຂ້ອງຂຶ້ນປະຖົມນິເທດເປັນຕົ້ນແມ່ນຫ້ອງການ, ກົມຈັດຕັ້ງພະນັກງານກົມວິຊາການສູນຂໍ້ມູນຂ່າວສານ ການເມືອງ-ການປົກຄອງ.

ເຊິ່ງເນື້ອໃນລວມຂອງການປະຖົມນິເທດ ແມ່ນກ່ຽວກັບລະບົບການຈັດຕັ້ງຂອງ ສມປຊທີ່ຕັ້ງ ແລະ ພາລະບົດບາດຫຼັກສູດ ຂອງການສຶກສາຮ່ຳຮຽນລະບຽບການນຳໃຊ້ບໍລິການຫໍສະໝຸດ ລວມເຖິງລະບຽບນັກສຶກສາ-ຫໍພັກ ທີ່ນັກສຶກສາທຸກທ່ານຈະຕ້ອງໄດ້ເອົາໃຈໃສ່ ແລະປະຕິບັດຢ່າງເຂັ້ມງວດ. ນັກສຶກສາຊັ້ນສູງ ລະບົບເລັ່ງລັດ 5 ເດືອນ ຮຸ່ນດັ່ງກ່າວ ຈະໄດ້ເລີ່ມສຶກສາຄົ້ນຄວ້າຮ່ຳຮຽນ ຕັ້ງແຕ່ວັນທີ 25 ກຸມພາ ໄປຈົນເຖິງ ເດືອນກໍລະກົດ ຈຶ່ງຈະສຳເລັດຕາມກຳນົດ.

ບັນນາທິການ: ທ່ານ ປທ ນ. ອາພອນ ຂາວພັນ

ຂ່າວ/ພາບ: ທ່ານ ຕາອັອດ ແສນທະວີສຸກ