ຫໍສະໝຸດສູນຂໍ້ມູນ-ຂ່າວສານຊັບພະຍາກອນທຳມະຊາດ ແລະສິ່ງແວດລ້ອມ ແລກປ່ຽນບົດຮຽນກັບພະແນກຫໍສະໝຸດ ສູນຂໍ້ມູນຂ່າວສານ ສມປຊ

ຕອນເຊົ້າຂອງວັນທີ  21 ກຸມພາ 2019 ທີ່ຜ່ານມາ ທ່ານ ບຸນທະວີ ສິດທິວົງ ຫົວໜ້າພະແນກ ຫໍສະໝຸດສູນຂໍ້ມູນ-ຂ່າວສານຊັບພະຍາກອນທຳມະຊາດ ແລະສິ່ງແວດລ້ອມ ພ້ອມດ້ວຍຄະນະ ໄດ້ເດີນທາງເຂົ້າມາແລກປ່ຽນບົດຮຽນກັບ ຫໍສະໜຸດສູນຂໍ້ມູນຂ່າວສານ ສມປຊ. ໂດຍການຕ້ອນຮັບຂອງທ່ານ ປທ ນ ວະໄລລັກ ອະໄພ ຮອງຫົວໜ້າສູນຂໍ້ມູນຂ່າວສານ, ຜູ້ຊີ້ນຳລວມວຽກງານຫໍສະໝຸດ ພ້ອມດ້ວຍຫົວໜ້າພະແນກ ແລະ ພະນັກງານວິ ຊາການຈຳນວນໜຶ່ງເຂົ້າຮ່ວມ.

 

     ການພົບປະແລກປ່ຽນບົດຮຽນດັ່ງກ່າວ, ທ່ານ ປທ ນ. ວະລໄລັກ ອະໄພ ໄດ້ນຳສະເໜີ ສະພາບລວມຂອງສູນຂໍ້ມູນຂ່າວສານ ໂດຍສະເພາະພາກສ່ວນຫໍສະໝຸດ ສມປຊ ເປັນຕົ້ນແມ່ນໜ່ວຍງານການບໍລິການ, ການຈັດເກັບມ້ຽນປື້ມ, ແປງປື້ມ, ອອກບັດສະມາຊິກ, ຄຸ້ມຄອງລະບົບຖານຂໍ້ມູນດ້ວຍຄອມພິວເຕີ, ໜ່ວຍງານບໍລິການວາລະສານ, ໜັງສືພິມ, ຂອດຂອງການບໍລິການຢືມ-ສົ່ງປື້ມ, ແຈ້ງແຕ່ລະປະເພດປື້ມທີ່ມີໃນຫໍສະໝຸດ. ນອກຈາກນີ້, ຍັງໄດ້ຍົກໃຫ້ເຫັນເຖິງລະບຽບຕໍ່ການຄຸ້ມຄອງຂອງຫໍສະໝຸດ, ການຈັດສັນຊອກຫາປື້ມປະ ເພດຕ່າງໆເຂົ້າຫໍສະໝຸດ, ວິທີການຕິດສັນປື້ມ, ການຊີ້ນຳ-ນຳພາ, ການຈັດເຝິກອົບຮົມ ແລະ ແລກປ່ຽນບົດຮຽນກັບຫໍສະໝຸດອື່ນໆ.

ພາຍຫຼັງທີ່ໄດ້ຮັບຟັງການບັນຍາຍແລ້ວ, ກໍໄດ້ມີການແລກປ່ຽນຄຳຄິດຄຳເຫັນກັນ ພ້ອມທັງທ່ຽວຊົມຂັ້ນຕອນຕ່າງໆຂອງການບໍລິການຕ່າງໆພາຍໃນຫໍສະໝຸດຕື່ມອີກ.

ບັນນາທິການ: ທ່ານ ປທ ນ. ອາພອນ ຂາວພັນ 

 ຂ່າວ/ພາບໂດຍ: ທ່ານ ນ. ດອກໄມ້ ຈັນດາລາ.