ສມປຊ ສຳເລັດປິດຊຸດຮຽນໃຫ້ແກ່ ຜູ້ສຳເລັດການສຶກສາລະບົບເລັ່ງລັດ 5 ເດືອນ ແລະ ນັກຄົ້ນຄວ້າປະລິນຍາໂທ ຜູ້ມີເງື່ອນໄຂ

ໃນຕອນເຊົ້າຂອງວັນທີ 8 ກຸມພາ 201 ທີ່ສະໂມສອນໃຫຍ່ ສມປຊ ໄດ້ຈັດພິທີປິດຊຸດຮຽນໃຫ້ແກ່ ຜູ້ສຳເລັດການສຶກສາລະບົບເລັ່ງລັດ 5 ເດືອນ ແລະນັກຄົ້ນຄວ້າປະລິນຍາໂທ ຜູ້ມີເງື່ອນໄຂຮັບໃບປະກາສະນີຍະບັດ 2018201 ຂຶ້ນ. ໂດຍການເປັນປະທານຂອງທ່ານ ຮສ ປອ ທອງສະລິດ ມັງໜໍ່ເມກ ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າ ສມປຊ, ໂດຍເປັນກຽດເຂົ້າຮ່ວມ ຕາງໜ້າຈາກກະຊວງສຶກສາທິການ ແລະກີລາ, ຄະນະຈັດຕັ້ງສູນກາງພັກ, ຄະນະໂຄສະນາອົບຮົມສູນກາງພັກ, ຫົວໜ້າຫ້ອງການ, ກົມ, ຄະນະວິຊາ, ສູນຂໍ້ມູນຂ່າວສານ ແລະ ນັກສຶກສາລະບົບເລັ່ງລັດ 5 ເດືອນ ແລະນັກສຶກສາປະລິນຍາໂທຜູ້ມີເງື່ອນໄຂ ເຂົ້າຮ່ວມຢ່າງພ້ອມພຽງ.

 

ໃນພິທີດັ່ງກ່າວ, ໄດ້ຮັບຟັງການສະຫຼຸບລາຍງານ ກ່ຽວກັບການຈັດຕັ້ງປະຕິບັດຫຼັກສູດການຮຽນການສອນຂອງລະບົບຮຽນດັ່ງກ່າວ ແລະຕີລາຄາຜົນດີ, ຂໍຄົງຄ້າງ ແລະບົດຮຽນທີ່ຖອດຖອນໄດ້ ຈາກ ປທ ສີຈັນ ສູນດາລາ ຮອງຫົວໜ້າກົມວິຊາການ ໂດຍທ່ານໃຫ້ຮູ້ເຖິງຜົນສຳເລັດການຄິດໄລ່ຕາມຄະແນນສະສົມຈາກວິ ຊາຮຽນທັງໝົດ ແລະຕີລາຄາເກຣດສະເລ່ຍຂອງລະບົບຮຽນ; ເຊິ່ງນັກສຶກສາລະບົບເລັ່ງລັດ 5 ເດືອນ ຮຸ່ນທີ XXIII ທີ່ສຳເລັດການສຶກສາໃນສົກນີ້ ມີຈຳນວນ 54 ທ່ານ, ຍິງ 09 ທ່ານ; ຄັດເລືອກໄດ້ນັກຮຽນເກັ່ງມີວິໄນດີ ປະເພດ I ມີ 15 ທ່ານ, ຍິງ 7 ທ່ານ, ນັກຮຽນເກັ່ງມີວິໄນດີ ປະເພດ II ມີ 28 ທ່ານ, ຍິງ 2 ທ່ານ,  ແລະໄດ້ຫ້ອງຮຽນດີເດັ່ນປະເພດ I ແລະນັກຄົ້ນຄວ້າປະລິນຍາໂທຜູ້ທີ່ມີເງື່ອນໄຂ (ໂທຮຸ່ນທີ XII, ໂທພາກຄ່ໍາ ຮຸ່ນທີ IV) ຈໍານວນ 109 ທ່ານ, ຍິງ 18 ທ່ານຄັດເລືອກໄດ້ນັກຮຽນເກັ່ງມີວິໄນດີ ປະເພດ I ມີ 12 ທ່ານ, ຍິງ 1 ທ່ານ, ນັກຮຽນເກັ່ງມີວິໄນດີ ປະເພດ II ມີ 11 ທ່ານ, ຍິງ 3 ທ່ານ, ຍິງ 1 ທ່ານ, ນັກຮຽນເກັ່ງມີວິໄນດີ ປະເພດ III ມີ 11 ທ່ານ, ຍິງ 4 ທ່ານ ແລະໄດ້ຫ້ອງຮຽນດີເດັ່ນປະເພດ II ນຳອີກ.

ໃນຕອນທ້າຍພິທີ, ທ່ານ ຮສ ປອ ທອງສະລິດ ມັງໜໍ່ເມກ ໄດ້ໃຫ້ຄຳໂອ້ລົມແກ່ຜູ້ທີ່ສຳເລັດການຄົ້ນ ຄວ້າວ່າຢາກໃຫ້ເຂົ້າໃຈກ່ຽວກັບແຜນການການຈັດຕັ້ງປະຕິບັດ ການປິດຊຸດຮຽນທີ່ບໍ່ມີພິທີມອບໃບປະກາດ, ແຜນການຮັບນັກສຶກສາທຸກຮຸ່ນທຸກລະບົບທີ່ຈະເຂົ້າມາຮ່ຳຮຽນທາງ ສມປຊ ແມ່ນໄດ້ຈັດຕັ້ງປະຕິບັດຕາມມະ ຕິຄຳສັ່ງຂອງພັກລັດທຸກຂັ້ນຕອນ, ຫຼັງຈາກທີ່ຈົບແລະກັບຄືນກົມກອງ ຂໍໃຫ້ບັນດານັກຄົ້ນຄວ້າ ກຳໄດ້ໃນເງື່ອນໄຂປັດຈຸບັນ, ຄິດຫງໍາ, ຕຶກຕອງບັນຫາແລ້ວນຳມາສົມທຽບ ລະຫວ່າງທິດສະດີ ແລະພຶດຕິກຳ ເຊິ່ງທິດສະດີກໍຕ້ອງປັບປຸງໃຫ້ດີຂຶ້ນ, ສ່ວນພຶດຕິກຳກໍຕ້ອງຍົກໃຫ້ເຫັນບັນຫາທີ່ໜັກແໜ້ນກວ່າເກົ່າ, ຄວນເກັບກຳຂໍ້ມູນຕ່າງໆ ເພື່ອນຳໄປປັບປຸງຕົນເອງ, ປັບປຸງການເຄື່ອນໄຫວຂອງຕົນ ໃຫ້ສອດຄ່ອງວກັບຄວາມເປັນຈິງ ເພື່ອນໍາໄປຍົກສູງຄວາມຮັບຜິດຊອບຂອງພະນັກງານ, ປັບປຸງບັນດາຂະແໜງການ, ປັບປຸງບັນດາອົງການ ໃຫ້ສອດຄ່ອງກັບຈຸດພິເສດຂອງພັກລັດເຮົາ ແລະເຂົ້າກັບບັນຍາກາດຂອງທົ່ວໂລກ.

ບັນນາທິການ: ທ່ານ ປທ ນ. ອາພອນ ຂາວພັນ

ຂ່າວໂດຍ: ທ່ານ ນ. ດອກໄມ້ ຈັນດາລາ

ພາບ: ທ່ານ ລຳພູນ ຖຸນໄຊຍາ