ກອງປະຊຸມໃຫຍ່ຄັ້ງທີ I ຂອງໜ່ວຍພັກຮາກຖານ ນັກສຶກສາ ປະລິນຍາໂທ ຮຸ່ນທີ XIV

ກອງປະຊຸມໃຫຍ່ຄັ້ງທີ I ຂອງໜ່ວຍພັກຮາກຖານ ນັກສຶກສາ ປະລິນຍາໂທ ຮຸ່ນທີ XIV ໄດ້ໄຂຂຶ້ນໃນເວລາ 8:30 ຂອງວັນທີ 7 ກຸມພາ 2019 ທີ່ຫ້ອງປະຊຸມຊັ້ນ 3 ຫ້ອງ 302 ຕຶກ H ຂອງສະຖາບັນການເມືອງ ແລະ ການປົກຄອງແຫ່ງຊາດ. ເຂົ້າຮ່ວມກອງປະຊຸມໃນຄັ້ງນີ້ ໃຫ້ກຽດເປັນປະທານ ໂດຍ ສະຫາຍ ອຸບົນ ມະຫາໄຊ ຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ; ມີບັນດາສະຫາຍຕາງໜ້າຈາກໜ່ວຍພັກຮາກຖານ ທົ່ວສະຖາບັນເຂົ້າຮ່ວມ 13 ສະຫາຍ, ຍິງ 3 ສະຫາຍ, ຜູ້ແທນສົມບູນ ເຂົ້າຮ່ວມ 60 ສະຫາຍ, ຍິງ 15 ສະຫາຍ.

 ກອງປະຊຸມໄດ້ຮັບຟັງບົດລາຍງານການເມືອງທັງສອງພາກ, ບົດສໍາຫຼວດການນໍາພາຂອງຄະນະພັກຊຸດເກົ່າ ໃນນັ້ນໄດ້ຕີລາຄາດ້ານດີດ້ານອ່ອນຂໍ້ຄົງຄ້າງສາເຫດ ແລະ ຖອດ​ຖອນໄດ້ບົດຮຽນໃນການຊີ້ນຳ-ນຳພາ ແລະ ການຈັດ ຕັ້ງປະຕິບັດໃນໄລຍະຜ່ານມາຈາກ ສະຫາຍ ກົງຈັກ ສີສະຫວາດ. ພ້ອມນັ້ນໃນທີ່ປະຊຸມກໍໍໄດ້ເປັນເອກະສັນຮັບຮອງເອົາບົດລາຍງານການເມືອງ, ທິດທາງ, ແຜນເຄື່ອນໄຫວຂອງພັກໃນຕໍ່ໜ້າ. 

ກອງປະຊຸມຄັ້ງນີ້ ໄດ້ພ້ອມກັນໃຊ້ສິດປະຊາທິປະໄຕ ຂອງຕົນ ປ່ອນບັດເລືອກຕັ້ງເອົາຄະນະພັກຊຸດໃໝ່ ເຊິ່ງຜົນຂອງການເລືອກຕັ້ງ ໃນກອງປະຊຸມຄັ້ງປະຖົມມະລຶກ ໄດ້ເປັນເອກະພາບກັນ ຕົກລົງເຫັນດີຮັບຮອງເອົາຄະນະພັກ ນັກສຶກສາ ປະລິນຍາໂທ ຮຸ່ນທີ XIV ຈໍານວນ 5 ສະຫາຍດັ່ງນີ້:

1). ສະຫາຍ ວິໄລພອນ ພົມມະຫາໄຊ ເປັນເລຂາໜ່ວຍພັກ, ເປັນຫົວໜ້າຫ້ອງ.

2). ສະຫາຍ ນ. ສິນທະມາລາ ລານາວັນ ເປັນຮອງເລຂາ, ເປັນຮອງຫົວໜ້າຫ້ອງ.

3). ສະຫາຍ ດວງເພັດ ຍວນໄຊສົມແພງ ເປັນຄະນະ, ເປັນປະທານກວດກາ.

4). ສະຫາຍ ວິລະພັນ ດວງທອງຄຳ ເປັນຄະນະ.

5). ສະຫາຍ ກົງຈັກ ສີສະຫວາດ ເປັນຄະນະ.

ໃນຕອນທ້າຍກອງປະຊຸມຍັງໄດ້ຮັບຟັງການປະກອບຄໍາເຫັນຈາກ ປະທານ ກອງປະຊຸມ ເຊິ່ງທ່ານໄດ້ຕີລາຄາສູງຕໍ່ຜົນການນໍາພາຂອງໜ່ວຍພັກ; ພ້ອມທັງໃຫ້ທັດສະນະຊີ້ນໍາຫຼາຍບັນຫາທີ່ພົວພັນເຖິງການເຄື່ອນໄຫວນໍາພາ ແລະ ປະຕິບັດໜ້າທີ່ສະມາຊິກພັກ, ຄູ່ຄຽງກັນນັ້ນກໍຮຽກຮ້ອງໃຫ້ຄະນະພັກຊຸດໃໝ່ຈົ່ງຍົກສູງບົດບາດການນໍາພາ, ເພີ່ມທະວີການສຶກສາອົບຮົມຄວາມສາມັກຄີພາຍໃນໃຫ້ແໜ້ນ, ເຂັ້ມແຂງ, ເສີມຂະຫຍາຍມູນເຊື້ອດຸໝັ່ນຂະຫຍັນພຽນ, ມີນໍ້າໃຈຮັກຊາດເປັນເຈົ້າຕົນເອງ ຜ່ານຜ່າຂໍ້ຫຍຸ້ງຍາກເພື່ອພ້ອມກັນສໍາເລັດໜ້າທີ່ຢ່າງຈົບງາມ.

ບັນນາທິການ: ທ່ານ ປທ ນ. ອາພອນ ຂາວພັນ

ພາບ: ທ່ານ ລຳພູນ ຖຸນໄຊຍາ

ຂ່າວ: ທ່ານ ນ. ພູວຽງ ແກ້ວສີມີໄຊ