ຂະບວນການກິລາເຕະບານມິດຕະພາບ ຕ້ອນຮັບ ວັນທີ 8 ມີນາ

ເພື່ອເປັນການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ IV ຂອງອົງຄະນະພັກສະຖາບັນການເມືອງ ແລະ ການປົກຄອງເວົ້າລວມ ແລະ ເວົ້າສະເພາະກໍ່ເພື່ອເປັນການ ສະເຫຼີມສະຫຼອງຕ້ອນຮັບວັນແມ່ຍິງສາກົນ ວັນທີ 8 ມີນາ ຄົບຮອບ 105 ປີ ສະນັ້ນທາງຄະນະຮັບຜິດຊອບກິລາ-ສິລະປະວັນນະຄະດີ ສມປຊ ຮ່ວມກັບຄະນະ ສະຫະພັນແມ່ຍິງ ສມປຊ ຈຶ່ງໄດ້ຈັດໃຫ້ມີຂະບວນແຂ່ງຂັນກິລາບານເຕະ ມິດຕະພາບ ຂຶ້ນ ລະຫວ່າງ ທີມ ພະນັກງານ, ຄູ-ອາຈານ ກັບ ທີມນັກສຶກສາທີ່ກຳລັງຄົ້ນຄວ້າ ແລະ ສຶກສາຮ່ຳຮຽນຢູ່ທີ່ ສມປຊ ນີ້

ເຊິ່ງເປັນປະທານກ່າວ ເປີດຂະບວນການດັ່ງກ່າວ ໂດຍ ທ່ານ ປທ ນາງ ພອນໄຊ ລາດສະວົງ ປະທານສະຫະພັນແມ່ຍິງ ສມປຊ ເຂົ້າຮ່ວມໃນພິ ທີດັ່ງກ່າວຍັງມີ ທ່ານ ຮສ ດຣ ທອງສະລິດ ມັງໜໍ່ເມກ ເລຂາຄະນະພັກ, ຫົວໜ້າສະຖາ ບັນການເມືອງ ແລະ ການປົກຄອງແຫ່ງຊາດ ພ້ອມດ້ວຍຄະນະພັກ, ຄະນະນຳ, ໜ່ວຍແມ່ຍິງບຳນານ-ເສດຖະກິດຄອບຄົວ, ຫົວໜ້າກົມ, ຫົວໜ້າຄະນະ ວິຊາ ພ້ອມດ້ວຍພະ ນັກງານຄູອາຈານ ລວມໄປເຖິງນັກສຶກສາ  ເຂົ້າຊົມເຂົ້າເຊຍກວ່າ 100 ຄົນ, ທັງນີ້ເນື້ອ ໃນ ແລະ ເປົ້າໝາຍ ໃນການຈັດການແຂ່ງຂັນກິລາ ມິດຕະພາບດັ່ງກ່າວ ນອກຈາກຈະເປັນການສະເຫຼີມ ສະຫຼອງວັນສຳຄັນ ຕ່າງໆດັ່ງກ່າວແລ້ວ ກໍ່ຍັງເພື່ອເປັນການສ້າງຄວາມ ສາມັກຄີຮັກແພງກັນ ລະ ຫວ່າງ ພະນັກງານ, ຄູ-ອາຈານ ກັບນັກສຶກສາ ເຊິ່ງການແຂ່ງ ຂັນໃນຄັ້ງນີ້ ເປັນການພົບກັນ ລະຫວ່າງ 1), ທີມ ຄູ-ອາຈານຍິງ (ອາວຸໂສ) ຮ່ວມກັບ ນັກສຶກສາຊັ້ນ ສູງຮຸ່ນທີ່ 12, ນັກສຶກສາຍິງ 5 ເດືອນ ຮຸ່ນທີ່ 16 ພົບກັບ ທີມຄູ-ອາຈານ ຊາຍ (ອາວຸໂສ) ຮ່ວມກັບ ນັກສຶກສາຊາຍ 5 ເດືອນ (ອາວຸໂສ) ເຊິ່ງ ຜົນການແຂ່ງຂັນ ແມ່ນທີມຍິງສາມາດເອົາຊະນະໄປດ້ວຍ ຄະແນນ 5-4, 2), ທີມ ຄູ-ອາຈານ ຍິງໜ່ວຍແມ່ ຍິງວິຊາການ 1 ພົບກັບ ທີມນັກສຶກສາຍິງປະລິນຍາຕີ ຮຸ່ນທີ 18 ຮ່ວມກັບ ນັກສຶກສາຍິງ ຊັ້ນສູງ ຮຸ່ນທີ່ 13 ເຊິ່ງຜົນການແຂ່ງຂັນແມ່ນ ທີມຄູ-ອາຈານຍິງໜ່ວຍແມ່ຍິງ ວິຊາການ 1 ເອົາຊະນະໄປດ້ວຍຄະແນນ 1-0, 3), ທີມຄູ-ອາຈານຍິງໜ່ວຍແມ່ຍິງວິຊາການ 1 ຮ່ວມ ກັບ ໜ່ວຍແມ່ ຍິງຫ້ອງການ-ຈັດຕັ້ງ ພົບກັບ ທີມ ນັກສຶກສາຍິງປະລິນຍາຕີ ຮຸ່ນທີ 18 ຮ່ວມກັບ ທີມ ນັກສຶກສາຍິງປະລິນຍາຕີ ຮຸ່ນທີ 20 ເຊິ່ງຜົນການແຂ່ງຂັນແມ່ນ ທີມ ນັກ ສຶກສາຍິງ ເອົາຊະນະ ໄປດ້ວຍຄະແນນ 1-0.