ສຳເລັດການຈັດຕັ້ງຝຶກອົບຮົມ ການແກ້ໄຂບັນຫາ ແລະ ບົວລະບັດຮັກສາ ອຸປະກອນການຮຽນ-ການສອນ ຢູ່ ສມປຊ

ເພື່ອເປັນການເພີ່ມພູນຄວາມຮູ້ໃນການນຳໃຊ້ ເຄື່ອງມືອຸປະກອນການຮຽນ-ການສອນ ໃຫ້ແກ່ພະນັກງານ-ຄູອາ ຈານໂດຍສະເພາະທັກສະໃນການແກ້ໄຂບັນຫາ ລວມໄປເຖິງການບົວລະບັດຮັກສາອຸປະກອນ ເຄື່ອງມືດັ່ງກ່າວ ເຊິ່ງໃນ ປະຈຸບັນ ການນຳໃຊ້ເຄື່ອງມືການຮຽນ-ການສອນ ຢູ່ທີ່ສະຖາບັນການເມືອງ ແລະ ການປົກຄອງ ແຫ່ງຊາດ  ເຫັນວ່າມີຄວາມຫຍຸ້ງຍາກໃນການນຳໃຊ້ ແລະ ວິທີການບົວລະບັດ ຂອງຜູ້ຊົມໃຊ້ນັ້ນເຫັນວ່າ ຍັງບໍ່ທັນມີຄວາມຊຳນານ ໃນການນຳໃຊ້ອຸປະກອນ ການຮຽນ-ການສອນ ເຂົ້າໃນວຽກງານໄດ້ດີເທົ່າທີ່ຄວນ ໂດຍສະເພາະຄອມພິວເຕີ, ປຣີ້ນເຕີ້ ແລະເຄື່ອງສາຍຈໍ LCD ໂປຼເຈັກເຕີ...

 

          ດັ່ງນັັ້ນ ສູນຂໍ້ມູນຂ່າວສານ ຈຶ່ງໄດ້ຈັດຕັ້ງໃຫ້ມີບ້ັນຝຶກອົບຮົມໃນຫົວຂໍ້ "ການແກ້ໄຂບັນຫາ ແລະ ການບົວລະບັດຮັກສາອຸປະກອນການຮຽນ-ການສອນ" ຂຶ້ນໃນວັນທີ 5-6 ມີນາ 2015 ທີ່ຜ່ານມາ ຢູ່ທີ່ຫ້ອງຄອມພິວເຕີ້ ໂດຍການເປັນປະທານຂອງ ທ່ານ ປທ ນ. ບຸນມີ ຈຸນລະຈັກ ຄະນະພັກ, ຫົວໜ້າ ສູນຂໍ້ມູນຂ່າວສານ ນອກນີ້ຍັງມີ ທ່ານ ດຣ ນ. ໄກສອນ ຈັນສີນາ ຮອງຄະນະວິຊາ ເສດຖະສາດການເມືອງ ແລະ ຄຸ້ມຄອງເສດຖະກິດ ພ້ອມດ້ວຍ ພະນັກງານ-ຄູອາຈານ ທີ່ເຂົ້າຮ່ວມຝຶກອົບຮົມດັ່ງກ່າວຈຳນວນ 35 ທ່ານ.

          ບັ້ນຝຶກອົບຮົມໃນຄັ້ງນີ້ຈະມີນັກສຳມະນາກອນຂຶ້ນບັນຍາຍຈາກ ພະແນກຄອມພິວເຕີຄື:  ທ່ານ ປທ ໄມຕີ ອິນທະວີຈິດ ແລະ ທ່ານ ປທ ຄຳໃບ ນາຈານ ຊຶ່ງຫົວຂໍ້ໃນການຝຶກອົບຮົມນັ້ນ ແມ່ນກ່ຽວກັບການຮຽນຮູ້ ແລະ ນຳໃຊ້ອຸປະ ກອນຄອມພິວເຕີ ແລະ ການຕໍ່ສາຍພ່ວງ, ການນຳໃຊ້ປີ້ນເຕີລວມໄປເຖິງຈໍ LCD ນອກຈາກນັ້ນ ຜູ້ເຂົ້າຮ່ວມ ຝຶກອົບຮົມ ຍັງໄດ້ ມີການແລກປ່ຽນບົດຮຽນບັນຫາຕ່າງໆເປັນຕົ້ນຕໍເຊັ່ນ: ໄວລັດ...ພ້ອມນີ້ທຸກໆຄົນຍັງໄດ້ພ້ອມພາກັນທັງຊອກຫາວິທີ ແກ້ໄຂເບື້ອງຕົ້ນ ຈົນໄປ ເຖິງ ການແກ້ໄຂບັນຫາດັ່ງກ່າວ.

          ຜ່ານການຝຶກອົບຮົມເປັນເວລາ 2 ວັນນີ້ເຫັນໄດ້ວ່ານັກຝຶກອົບຮົມທຸກຄົນມີຄວາມຕັ້ງໃຈ ແລະ ເອົາໃຈໃສ່ ຕໍ່ກັບ ການຝຶກອົບຮົມ ດັ່ງກ່າວ ແລະ ຍັງສາມາດນຳເອົາຄວາມຮູ້ທີ່ໄດ້ຝຶກອົບຮົມນຳໄປໃຊ້ໃນວຽກງານຕົວຈິງ ແລະ ມີໝາກຜົນ ດີພໍສົມຄວນ.