ໂຮງຮຽນການເມືອງ ແລະ ການປົກຄອງແຂວງຊຽງຂວາງ ມອບເຄື່ອງຊ່ວຍເຫຼືອ ບ້ານນາປັນ ເມືອງຜາໄຊ ແຂວງຊຽງຂວາງ

       ໃນວັນທີ 9 ພະຈິກ 2019 ໂຮງຮຽນການເມືອງ ແລະການປົກຄອງແຂວງ ໄດ້ນຳເອົາເຄື່ອງນຸ່ງຫົ່ມໄປມອບໃຫ້ແກ່ບ້ານນາປັນ ທີ່​ຂຶ້ນ​ກັບ ເຂດ​ຈຸ​ດ​ສຸມ ນ້ຳ​ສຽມ  ເມືອງຜາໄຊ ແຂວງຊຽງຂວາງ​ບ້ານ​ດັ່ງ​ກ່າວ ເປັນ​ບ້ານ​ທີ່​ທຸກ​ຍາກ ເຊິ່ງເປັນ ເຂດຈຸດສຸມ 1 ໃນ  3 ຂອງລັດຖະບານ ທີ່​ມີ​ຢູ່​ແຂວງ​ຊ​ຽງ​ຂວາງ,  ກ່າວມອບໂດຍ ທ່ານ ປທ ນ. ບົວສີ ນາຖາວົງ, ກໍາມະການພັກແຂວງ, ຫົວໜ້າໂຮງຮຽນການເມືອງ ແລະການປົກຄອງແຂວງ ເຊິ່ງໄດ້ຕາງໜ້າໃຫ້ແກ່ຄູ-ອາຈານ ແລະນັກສຶກສາ, ເຊິ່ງກ່າວຮັບໂດຍທ່ານ ບຸນສີ ຕະ​ວະ ເລຂາພັກບ້ານ ບ້ານນາປັນ ໂດຍຊ່ອງໜ້າທ່ານ ດຣ ບຸນມາ ສຸຍະວົງ ຮອງເລຂາພັກເມືອງ, ຮອງເຈົ້າເມືອງຜາໄຊ ແຂວງຊຽງຂວາງ, ພ້ອມດ້ວຍພໍ່ແມ່ປະຊາຊົນພາຍໃນບ້ານ ເຂົ້າຮ່ວມຢ່າງພ້ອມພຽງ.

ອ່ານຕໍ່

ສະຖາບັນການເມືອງ ແລະ ການປົກຄອງແຫ່ງຊາດ ເປີດຊຸດຝຶກອົບຮົມ ທິດສະດີການເມືອງ-ການປົກຄອງ ຕາມຫົວຂໍ້ສະເພາະ ໃຫ້ແກ່ ເລຂາພັກເມືອງ, ຄະນະປະຈຳພັກເມືອງ ຊຸດທີ II

     ພິທີດັ່ງກ່າວໄດ້ໄຂຂຶ້ນໃນຕອນເຊົ້າຂອງວັນທີ 11ພະຈິກ 2019 ພາຍໃຕ້ການເປັນປະທານ ຂອງ ທ່ານ ຮສ ພູວົງ  ອຸ່ນຄຳແສນ ຮັກສາການເລຂາຄະນະບໍລິຫານງານພັກ, ຮັກສາການຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ພ້ອມດ້ວຍຄະນະພັກ-ຄະນະນຳ ສມປຊ, ຜູ້ຕາງໜ້າຫົວໜ້າຫ້ອງການ, ກົມ, ຄະນະວິຊາ ແລະສູນຂໍ້ມູນຂ່າວສານການເມືອງ-ການປົກຄອງ ເຂົ້າຮ່ວມ.

 ອ່ານຕໍ່

ໂຮງຮຽນການເມືອງ ແລະການປົກຄອງ ແຂວງວຽງຈັນ ສໍາເລັດການຝຶກອົບຮົມທິດສະດີໄລຍະສັ້ນ 10 ວັນໃຫ້ເລຂາພັກບ້ານ, ນາຍບ້ານທົ່ວເມືອງໂພນໂຮງ ແຂວງວຽງຈັນ.

ຊຸດຝຶກອົບຮົມທິດສະດີການເມືອງ ແລະການປົກຄອງໄລຍະສັ້ນ 10 ວັນ, ໃຫ້ເລຂາພັກບ້ານ, ນາຍບ້ານ ທົ່ວ ເມືອງໂພນໂຮງ ໄດ້ເປີດຂຶ້ນຢ່າງເປັນທາງການ ໃນວັນທີ 18 ຕຸລາ 2019 ແລະໄດ້ປິດລົງໃນຕອນບ່າຍຂອງວັນທີ 7 ພະຈິກ 2019 ໂດຍການເປັນປະທານຂອງທ່ານ ນ. ອິ່ນຄໍາ ພັນດາລາ ກໍາມະການພັກແຂວງ, ເລຂາພັກເມືອງ, ເຈົ້າເມືອງໆໂພນໂຮງ, ເຂົ້າຮ່ວມໃນພິທີ ຍັງມີທ່ານ ຫົວໜ້າໂຮງຮຽນການເມືອງ ແລະການປົກຄອງ ແຂວງວຽງຈັນ, ມີບັນດາທ່ານຕາງໜ້າບັນດາຫ້ອງການຂອງເມືອງ, ຄູອາຈານ ແລະເລຂາພັກບ້ານ, ນາຍບ້ານເຂົ້າຮ່ວມຢ່າງພ້ອມພຽງ.

ອ່ານຕໍ່

ພິທີ ມອບ-ຮັບໃບຢັ້ງຢືນຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນ ຂອງລັດວິສາຫະກິດໄຟຟ້າລາວ

ໃນຕອນບ່າຍວັນທີ 6 ພະຈິກ ຢູ່ ລັດວິສາຫະກິດໄຟຟ້າລາວ ໄດ້ຈັດພິທີປິດຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນຊຸດທີ XII ໃຫ້ແກ່ພະນັກງານຫຼັກແຫຼ່ງອ້ອມຂ້າງລັດວິສາຫະກິດ ໄຟຟ້າລາວ ຂຶ້ນ ໃຫ້ກຽດເປັນປະທານໂດຍ ທ່ານ ປອ ຄຳມະນີ ອິນທິລາດ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງພະລັງງານ ແລະ ບໍ່ແຮ່, ເປັນກຽດເຂົ້າຮ່ວມໂດຍ ທ່ານ ປທ ແສງແກ້ວ ວົງລຳພັນ ຮອງຫົວໜ້າກົມຄຸ້ມຄອງການຮຽນ-ການສອນ. ພ້ອມດ້ວຍແຂກຖືກເຊີນ ແລະສໍາມະນາກອນເຂົ້າຮ່ວມ.

ອ່ານຕໍ່