ໃນຕອນເຊົ້າ ຂອງວັນທີ 10 ກັນຍາ 2021 ທ່ານ ປທ ນ. ບຸນມີ ຈຸນລະຈັກ ຮອງເລຂາຄະນະບໍລິຫານງານພັກ, ຮອງຫົວໜ້າ ສມປຊ ໄດ້ພົບປະໂອ້ລົມນັກສາສຶກ ປະລິນຍາຕີ ຮຸ່ນທີ XXV ຫ້ອງ (ກໍ) ເຊິ່ງມີນັກສຶກສາເຂົ້າຮ່ວມທັງໝົດ 54 ສະຫາຍ. ໃນນັ້ນ, ເພິ່ນໄດ້ນຳເອົາຄວາມເປັນຫ່ວງເປັນໃຍມາຍັງນັກສຶກສາ ແລະ ເພິ່ນກໍໄດ້ເນັ້ນໃຫ້ນັກສຶກສາ ເປັນເຈົ້າການນຳກັນ, ໃຫ້ມີສະຕິສູງ ຕໍ່ກັບການດຳລົງຊີວິດແບບໃໝ່ ເປັນຕົ້ນແມ່ນ: ມີສະຕິອຸ່ນອ່ຽນທຸ່ນທ່ຽງ, ບໍ່ຢ້ານ ຫຼື ຕົກໃຈເກີນໄປ-ບໍ່ໃຫ້ຖືເບົາ ຫຼື ປະມາດເກີນໄປຕໍ່ກັບພະຍາດ COVID 19, ການໄປ-ມາ, ເຂົ້າ-ອອກ ສະຖາບັນ, ໃຫ້ຮັກສາໄລຍະຫ່າງ, ໃສ່ຜ້າອັດປາກ-ດັງ, ບໍ່ໃຫ້ມີການຊຸມແຊວ ແລະ ພ້ອມກັນຈັດຕັ້ງປະຕິບັດລະບຽບການຂອງຄະນະສະເພາະກິດສູນກາງ ກໍຄືລະບຽບຂອງຄະນະສະເພາະກິດ ສມປຊ ວາງອອກໃຫ້ເຂັ້ມງວດ.
ໃນຕອນທ້າຍເພິ່ນໄດ້ໃຫ້ທິດນຳເພື່ອສືບຕໍ່ຈັດຕັ້ງປະຕິບັດຄື: ດ້ານການເມືອງ-ແນວຄິດ, ວຽກພັກ, ວຽກອົງການຈັດຕັ້ງມະຫາຊົນ, ການຂຶ້ນຫ້ອງຮຽນ-ຫໍສະໝຸດ ແລະ ຂະບວນການອະນາໄມ ແມ່ນໃຫ້ເຮັດເປັນປົກກະຕິ.
ຫຼັງຈາກສຳເລັດການຮັບຟັງການໂອ້ລົມ ຂອງທ່ານນາງບຸນມີຈຸນລະຈັກ ຄະພັກ-ຄະນະນຳ ສມປຊ ແລ້ວຄະນະພັກ-ຄະນະຫ້ອງ ປຕ XXV (ກໍ) ກໍໄດ້ສືບຕໍ່ນຳເອົາເອກະສານກ່ຽວກັບກົດລະບຽບພັກ ປະຊາຊົນປະຕິວັດລາວ ສະໄໝທີ XI ມາເຜີຍແຜ່ເຊື່ອມຊຶມໃຫ້ສະມາຊິກພັກພາຍໃນໜ່ວຍໄດ້ຮັບຮູ້ ແລະນຳໄປຈັດຕັ້ງປະຕິບັດໃຫ້ຖືກຕ້ອງຕາມລະບຽບຫຼັກການທີ່ໄດ້ກຳນົດໄວ້ຢ່າງເຂັ້ມງວດ.
ເພື່ອເຮັດໃຫ້ຂໍ້ກຳນົດກົດລະບຽບດັ່ງກ່າວມີຄວາມສັກສິດ ແລະເກີດດອກອອກຜົນນັ້ນແມ່ນໜ້າທີ່ຂອງສະມາຊິກພັກປະຊາຊົນປະຕິວັດລາວໝົດທຸກຄົນ ເປັນຜູ້ຈັດຕັ້ງປະຕິບັດ ແລະຕ້ອງເປັນແບບຢ່າງນຳໜ້າທີ່ດີໃນທຸກດ້ານ.
ພາບ: ສີພັນ ງອນວັນຄຳ
ຂ່າວ: ວຽງທອງ ໄຊຍະຄົມ, ກວດແກ້ ນາງ ໄມ ວ່າງ
ບັນນາທິການ: ປທ ບຸນປັນ ສຸມຸນທອງ